La Usc di Ladins

Al ê gran aspetanza por les lîtes de Comun a La Val y sëgn éseres fates. En domënia ai 10 de novëmber ê 1.105 zitadines y zitadins cherdá da jí a lité l’Ombolt y le Consëi nü. Ala fin él sté 888 porsones che á ince anuzé so dërt, tan co le 80,4%. De chëstes ê 846 les usc che á ince valü. Chiló i resultac dles lîtes, che vëgn ciamó reportá sciöche provisors.

La lîta da Ombolt
Aladô dles aries che tirâ ti ultims dis, ân capí che pro la lîta da Ombolt fossera gnüda strënta, y insciö ésera ince stada, cun na desfarënzia de 24 usc danter i dui candidac. Ala fin l’á davagnada Felix Nagler, che á abiné 414 usc, e 51,5%; le secundo candidat, Felix

• Felix Nagler á davagné la lîta da Ombolt a La Val.
•  

View the embedded image gallery online at:
https://www.lausc.it/valedes-ladines/val-badia/28245-la-val-a-lite-felix-nagler-e-l-ombolt-nue#sigProIdb8daebed6a

Dapoz da Ciablun, é rové sön 390 usc, le 48,5%.

La lîta dl Consëi
Pro la lîta dl Consëi él sté Magdalena Miribung che á arjunt le maiú numer de usc. La fia dl ombolt da denant Angel Miribung á ciafé la crëta de bëgn 399 litadësses y litadus. Al secundo post ciafunse l’assessur da denant Johann o Hansi Rubatscher cun 295 usc y spo l’aconsiadëssa da denant Veronica Rubatscher cun 274. Passa duicënt usc, plü avisa 237, á ince arjunt Alex Ploner. Le vare te Consëi á ciamó fat Daniele Moling (Cestun) y Alexander Alton – intrami cun 171 usc, Matteo Pescollderungg cun 162, Carlo Nagler cun 159, Elisabeth Insam cun 117, Vito Campei cun 107, Markus Complojer cun 99, Manfred Moling cun 97 y Davide Frenes cun 87. Deboriada cun i dui candidac a ombolt, é chisc i 15 aconsiadus che rovenará le Comun cina dl 2030.

Deplü ciafarëise spo t’La Usc stampada  (pablo)