La Usc di Ladins

Albert Palfrader é por le cuinto iade ombolt dl comun de Mareo. Chësc é gnü fora tler dales lîtes di 4 de ma, olache Mareo ê le su comun dla Val Badia cun plü candidac por le scagn da pröm zitadin. Albert de Iochele, sciöche al é conesciü, á candidé sön la lista "Al Plan" y á cun 831 preferënzes metü a saul le 48,8% dles usc, destacan tler sü concorënc. L’ombolt en ciaria Felix Ploner (Lista "Paisc d’La Pli") é ma plü rové sön 481 preferënzes, che corespogn al 28,2% dles usc, tratan che le terzo candidat Stefo Palfrader (lista "Düc Adöm") á cun 391 usc ciafé le 23% dles usc.
Al ê sté na picia sensaziun, dan da 5 agn, canche Felix Ploner ê sté bun, sciöche zitadin da La Pli, da rové sön le scagn da ombolt de Mareo. Iló âl batü Albert Palfrader por ma 18 usc. Chësta lîta ne lascia pro degünes interpretaziuns. Albert Palfrader vëgn zoruch söle scagn da pröm zitadin cun n resultat sterch y pó pié ia te süa cuinta legislatöra a ce dl comun de Mareo. Al ê bele sté ombolt dal 1995 al 2005 y spo dal 2010 al 2020.

Püch dan les 5 da doman él ince rové alerch i resultac dl Consëi, che é en chësc iade metü adöm da 18 porsones impede 15. Chësta la proieziun:

La lista "Al Plan" á ciafé le 43,6% dles usc y insciö 8 scagns
Albert Palfrader - ombolt - 831 usc da ombolt y 22 por le Consëi
Paul Pisching - 353 usc
Klaus Mutschlechner - 283 usc
Marco Pizzinini - 268 usc
Hubert Obojes - 209 usc
Michael Call - 196 usc
Carlo Palfrader - 161 usc
Helga Rubatscher - 139 usc

La lista "Düc Adöm" á ciafé le 23,4% dles usc y insciö 4 scagns
Stefo Palfrader - 391 usc da ombolt y 45 por le Consëi
Katrin Ellecosta - 241 usc
Wilhelm Hochwieser - 220 usc
Daniel Ploner - 113 usc

La lista "Paisc d’La Pli" á ciafé le 17,6% dles usc y insciö 3 scagns
Felix Ploner - 481 usc da ombolt y 14 por le Consëi
Patrick Complojer - 146 usc
Ludwig Rindler - 118 usc

La lista "Rina" á ciafé le 15,4% dles usc y insciö 3 scagns
Giuseppe (Pepi) Tasser - 182 usc
David Huber - 158 usc
Florino Ferdigg - 131 usc


 (pablo)