La Usc di Ladins

Na pert dl proiet »Iradié« é jüda a piz cun la publicaziun nöia »San Martino in Badia. Un viaggio tra storia, tradizioni e modernitá«, presentada en sabeda sëra ai 22 de novëmber tl salf dl Istitut Ladin Micurá de Rü a San Martin. Tres na mësa torona á la moderadëssa Jasmin Ferdigg damané fora i colaboradus y esperc che á curé perts desfarëntes dl’inrescida. Al é gnü alzé fora le contignü y la presentaziun dl material elaboré n iade en forma de na publicaziun, dada fora dal’Uniun di Ladins Val Badia, y n secundo iade en forma digitala, tres na aplicaziun curada da Smach.

Le proiet é gnü metü a jí tres na colaboraziun danter Smach y l’Uniun di Ladins Val Badia cun le sostëgn di fonds Pnrr y dl Minister dla Cultura. »Iradié« rapresentëia, dlungia n laur de inrescida storica y demoetnoantropologica, archiviaziun y digitalisaziun, n tentatif por na valorisaziun de n’arpejun culturala, che ó gní a löm tl presënt y suravire por rové tl dagní.



Deplü da lí ciafëise tla ediziun nöia de vëndres ai 28 de novëmber!