Se i Mondiai i sbrissa iaro

Data

29 de mei 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Comentar de pruma
Darè cuater candidature jude a voit, ntel 2016 Anpezo l à vinto l'orga­nizazion dei mondiai de schi del 2021, e oramai chela ocajion pi ote parduda la someava davero davijin. I atlec i sentiva bele l odor de le medaie, impiantisć e hotelier chel dei soldi che che sarave ruà, finamai na part dei laor che i vari politici i ava imprometù i eva stai finii o almanco scomenzei: se cioleva via lifc vege per n fà de pi moderni, se injignava nuove piste, se comedvaa e se slargiava le strade. Ma de febraro l é spontà fora n nemigo nuof, che no i interessa nia de duc i sforz fai chest e somea debota che l abe gusto a reotà dut sotesora: l Covid-19.
Alora, gauja sta strazaria, la Fisi e Cortina 2021 i é stai costreti a domandà a la FIS de sburlà i mondiai de n an, a marz del 2022: i dezidarà domà l prim de luio, ma l é probabile che l suzedarà. E nte sto cajo ncora na ota chel obietivo, che finalmente l eva cujì apede da podè l tocà, l se slontanarà iaro. Mancia domà calche un che ziga al comploto contra Anpezo.
I mondiai i tomarave cujì ntel 2022, l stes an de i zoghi olimpici del invar a Bejing: ma l sport da sol l interessa puoch, l prim cruzio de duc i organizator l é chel de no parde soldi n cajo fosse da fà le gare senza l publico o le scancelà del dut, come che l é bele stat per le finai de Copa del Mondo de marz.I atlec no i é duc de la medema idea, i é pi cruziei da dute chele gare una indarè l'autra che vignarave fora, ma no i vol garejé senza l publico.
Contra n nemigo cují ruo e puoch cugnessù l é donca da fà de nezessità virtù: con de pi temp a dispojizion, chesta podarave ester la ota bona per se paricé davero pulito, finì via i cantier imprometui e no fá n autra de chele figure da ciodi che sion ujai a vede suzede n Italia. D'autra part, col virus no sbrissa domà i mondiai de schi de Anpezo, sbrissa incia i zoghi olimpici de Tokyo del 2020, e incia i Europei de balon de st'istà: con dut sto sbrissé somea de ester n Laponia.  (de Martino Pezzei)

Galaria retrac