L’economia y les finanzes é argomënc che cunta tres deplü tla vita di jogn y dl dagní di jogn. Al é important che jones y jogn ciafes ligrëza y motivaziun cun les conescënzes dl monn dla finanza y di scioldi. La "formaziun de finanza" é aldedaincö pert dla scora generala tla personalité.
Südtirol é da ciafé complessivamënter tl Stüde PISA dla conescënza dles finanzes a pe dl livel mesan internazional. Al n’é no bravé, no da fá pöde. Sce an partësc sö les studëntes y i studënc aladó dles proveniënza di istituc scolastics, spo él da odëi che i ladins é n pü’ mius co i todësc, y che i taliagn é cotan ales basses. I ladins á abiné adöm 512 punc, i todësc 500 y i taliagn 469. Le livel mesan a livel internazional OECD é de 505. Interessanc i dac mesans te d’atres realtés geografiches: Estonia 547, Finlanida 537, Polonia 520, Australia 511, Spagna 492, Italia 476, Chile 451... (Iaco Rigo)
Savëi da oje la monëda
Südtirol: Le Stüde PISA en cunt dla formaziun de finanza y scioldi danter jones y jogn de 15 agn (ann de inrescida 2018) vëiga i ladins dan ai todësc, mo nia ezelënc a livel internazional. I taliagn südtirolesc á indere conescënzes cotan sot le livel mesan OECD
Galaria retrac
View the embedded image gallery online at:
https://www.lausc.it/atualite/13450-savei-da-oje-la-moneda#sigProId208261dc41
https://www.lausc.it/atualite/13450-savei-da-oje-la-moneda#sigProId208261dc41