La Usc di Ladins

Les ultimes desposizions y regola­menta­zions en cont dl covid per se mueve en segureza y povester ence l fat che i jon plan plan devers dla bona sajon, empermet da podei mete man a envié via ence les ativités culturales en prejenza. I savon che chilò tles valedes ladines él dagnora sté na gran pieta de vigni sort de manifestazions y evenc culturai y enscì se enconfertonse ence nos dla Generela a mete a jì nost program y i speron che i podonse prest se vedei de persona, samben tl respet dles normes de segureza sanitara.
Do la Radunanza generala dla UGLD, che sarà propi chest'edema che vegn ai 14 de mei 2021 tla Cësa di Ladins a Urtijëi con l'aprovazion di adatamenc al Statut, él per entant chestes manifestazions sun l program per l isté y l auton:
– Di dla Unité Ladina ai 24 de messel a Reba/Fodom.
– Pelegrinaje dla jent ladina a Oies ai 25.09.2021.
– L Festival di Cors di mutons dla Ladinia »Cianta con nos«.
– Di cultural a Urtijëi.
– La Union Generela é ence tl laour da enjigné ca l liber nuef dal titul »Una Ladinia possibile« de Roland Verra.
– Congres dla FUEN dai 9 ai 12 de setember.

(Editorial de Milva Mussner, presidenta dla Union Generela di Ladins)

De plu tla edizion stampeda de La Usc di Ladins o sun l e-paper a paiament www.lausc.it/e-paper