Dal 6 de dezëmber al 15 de jená: gran stlüta por i "nia vaziná y nia varis"

Data

24 de november 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Al vëgn le "super green pass". Le Consëi di Ministri a Roma á mefodër aprové le decret nü söles restriziuns y regoles anti-Covid
Dal 6 de dezëmber 2021 al 15 de jená 2022 ne podará les porsones nia vazinades no varides nia plü azede ai restoranc y bars daite, ales discoteches y festes, a manifestaziuns, al chino y ales partides sportives. Ma plü por jí a lauré (ti posć nia sotmetüs a dovëi dl vazin o dla varijiun), jí te hotel y jí cun bus y ferata söles linies locales gnarál conzedü l’alternativa al "super green pass" presentan n resultat negatif de n test antigenich o PCR.
Implü gnarál cun le de 15 de dezëmber 2021 por les forzes dl ordin publich, i colaboradus aministratifs dl sorvisc sanitar nazional y döt le personal de scolines y scores (insegnanc, coghi/cöghes, yii.) le dovëi dla vazinaziun.
Chëstes regoles vel bele por le raiun classifiché "blanch".
Le "super green pass", che gnará dé fora por i vaziná y varis dal Covid–19 (por na certa spana de tëmp, avisa dada dant) corespogn al "2G" bele en valüta tl’Austria y te deplü Länder dla Germania.  (Iaco Rigo)