La Usc di Ladins

Anter l gran numer de persones che ti paìjes todesc, tel Sudtirol e ence te noscia valèdes no vel fèr l vazin, n muie l é chi che chier de ge jir do a formes de medejina conscidrèdes più vejines a la natura, desche per ejempie chela omeopatica. 

Vazins e omeopatia éi donca incompatiboi? 

Ge l aon domanà a la dotora Monica Costantini, che l é stat la pruma sentadina de Fascia, tel meis de jené de chest an, a se fèr encalmèr, ma la é ence esperta de omeopatia e spezialisèda te autra disciplines complementères.

La dra Costantini defat la é medico-chirurgh, spezialista en anestesia e rianimazion e l à l diplom de formazion en medejina generèla, l diplom de »Medico esperto in Omeopatia, Omotossicologia e Discipline Integrate« e l diplom en agopuntura e medejina tradizionèda de la Cina. La é scrita ite per chesta disciplines tel Register per la Medejines complementères del Orden di Medizi de
Trent e la é conseiera del Orden di Medizi Chirurghes e odontoiatres de la provinzia, con delega per la medejina del teritorie.

Podede lejer duta la intervista su La usc stampèda de vender ai 10 de dezember.  (Lucia Gross)