Do la devënta tla pröma partida dla semifinala insëra, Lönesc de Pasca de Ma, tl stadium Drusus a Balsan cuntra le Bari, á le FC Südtirol les mius chertes da passé le round y jí tla finala dezisiva por l’azes ala Seria A. Al foss na sorpreja de morvëia, ma bele fá n te’ campionat tan da protagonisć ne s’ess degügn aspeté danfora!
Le stadium Drusus insëra á metü man da broé do le tëmp ordinar, al 92’, canche Matteo Rover á segné n gol che ti á fat sté sö le fle ai aversars gnüs dala Pulia.
En vëndres, ai 2 de jügn 2023, saral la retura a Bari, y al FC Südtirol ti bastassel n resultat ala per por azede ala gran finala y ales döes partides por la Seria A. Por n raiun provinzial sciöche le Südtirol fossel na impreja storica da jí sö, y soghé almanco 1 ann, tla seria plü alta! (Iaco Rigo)
Le borjú s’alza
Le FC Südtirol söl iade cuntra la Seria A
Galaria retrac
View the embedded image gallery online at:
https://www.lausc.it/atualite/23803-le-borju-s-alza#sigProIdfeaca8e544
https://www.lausc.it/atualite/23803-le-borju-s-alza#sigProIdfeaca8e544