La Usc di Ladins

Renate Schnack é na persona dla politica dl Schleswig–Holstein che à tres sapù da ascoté su i autri y da svilupé la derta diplomazia per concretisé la inclujion soziala.
Ala scriv instessa: "Sozietés davertes, plurales y giustes ne gareta nia da soules. Ales mess vegnì costruides vigni di y endlonch. Te chest prozes él der important da la sozieté de maioranza devente ativa y ae l’aodanza y la volonté a la partezipazion de duc ti prozesc soziai y politics y tl sivup. La comunité mondiala viv da agn y ence chisc dis, tratant che nos son chilò a Pécs/Fünfkirchen/Pečuh sun l congres dla FUEN, che persones, che popui intiers, vegn perseghités, desmandrés y eliminés. Chesta é na azion contra sia vita, sia identité y sia esistenza culturala vulnerabla… Perchel preie les persones che raprejenteia chilò Istituzions y Governs sciche ence organoisazions membres dla FUEN, da se dé da fé con forza inant per l reconesciment y les garanzies di derc dles mendranzes. De plu ciamò, tant inant che al vegn pensé sen da fé na reforma di derc internazionai dles persones."