La Usc di Ladins

Incö á la Junta provinziala dit de sce al proiet por la realisaziun de deplü lerch por fermada y na lerch da oje por les corieres sö por le ju dl Sela, pert gherdëna.
Aladô dl proiet dessel gní realisé al km 28,900 (tles vijinanzes dl Dolomiti Mountain Resort) sön trames les perts de strada na fermada por les corieres. Al km 30,750 gnaral deslarié la spersa dla sosta por cherié na lerch da oje por les corieres publiches.
La dezijiun dla Junta provinziala cun l’assessur ala mobilité Daniel Alfreider é gnüda tuta söla basa dl bunarat dla "conferënza di sorvisc".