André Comploi diretur nü

Data

17 de dezember 2024

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ci che gnô cina ciamó ma groforé adascusc, é sëgn confermé: André Comploi é le diretur nü dl Departimënt Scora y Cultura ladina
Al ê sté na sort de efet aha, ai 28 d’otober, canche l’ofize stampa dl Teatro alla Scala de Milan â lascé alsavëi che so coordinadú artistich André Comploi â tut la dezijiun da surantó n’atra inciaria. La pröma domanda che an se fajô ê: "ciüna sarál mo?". Tles ultimes edemes aldîn tres indô – söl tru nia ofizial – che Comploi ess podü surantó na posiziun importanta tl ciamp dla scora y cultura ladina. Cun incö ai 17 de dezëmber á la noela ciafé conferma. La Junta Provinziala de Südtirol á nominé André Comploi sciöche diretur nü dl Departimënt Scora y Cultura ladina.
"I sun ausé da me confronté y da lauré cun n gröm de colaboradusc, y i á dagnora ciaré da porté ite n bun clima de laur. Ince te mia inciaria nöia chiriarái la colaboraziun de düc y le dialogh costrutif cun i departimënc dla cultura todëscia y taliana", á dit André Comploi te süa udiënza cun l’assessur Daniel Alfreider.
Alfreider é da süa pert dla convinziun che la nominaziun de André Comploi rapresentëies n valur por döt le monn cultural ladin. "Al é na porsona jona y dinamica, cun na gran esperiënza tl ciamp cultural: al portará ite tla aministraziun publica süa esperiënza, so entusiasm y so amur por la musiga, l’ert, la leteratöra y le lingaz y ladins."

Deplü tla ediziun d’La Usc di Ladins di 19 de dezëmber  (pablo)