La Usc di Ladins

De ndut nuef artisć mët ora si opres tl Tublà da Nives per la mostra coletiva "Natural-mënter". La tematica, coche dij nce bele l titul, ie la relazion danter persona y natura. N liam sot, che se à mudà ti centeneies: dala natura salvera y nia arzicheda ala natura strabaceda de al didancuei, da na vijion mistica y spirituela di fenomenns naturei ala spiegazions scientifiches de uni cossa.

Na tematica davierta y dl dut persunela, che i artisć y la artistes à laurà ora te manieres desfrëntes per chësta mostra nueva tl Tublà da Nives. Nteressant ie l juech che nasc danter la scultures di artisć de nosta valeda, liedes ala tradizion dl ziplé de Gherdëina, y i chedri depënc da artisć y artistes da oradecà.

USC

L articul tla edizion atuela de La Usc di Ladins.