La Usc di Ladins

N meis de gran da fèr per i Studafech de Cianacei. Se à tanche serà su l meis de aost te chel che l é stat dombrà 93 intervents, en media 3 chiamèdes en dì che vel dir temp e sacrifizie di volontadives a ben de la comunità. Da la emergenzes ordenères ai inzidenc sun strèda e picoi mèl de fech, l é dalbon gran l empegn di studafech, mascima calcolan che l é istà e i cogn conjobièr l empegn de volontariat col temp de maor lurier de l’ativitèdes.
Anter messèl e aost l é stat fat passa 50 bonifiches de coes de bespes e calabrons, valgunes de gran dimenscions e autres belebon senestres da recuperèr. L é stat per via del fers che l é stat n smaorament de la segnalazions, che les à domanà dachelanvia n empegn costant e tempestif. Ne à despiegà l comandant Giuseppe Costantino: »L é segur stat n istà fora de anter, per solit fajon 4/5 servijes de bespes te un meis. Alincontra soraldut a la fin de messèl e de aost no die che sion jic fora duc i dis, ma prest, belelà ogne dotrei dis.«



Podede lejer dut su La Usc stampèda de vender ai 11 de setember da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Nicoletta Riz)