La Usc di Ladins

Dotours
Dutor Gherdëina
L dutor de servisc da n sada ai 03.12. dala 08:00 daduman nchin la 08:00 daduman de n lunesc ai 05.12. ie l dutor Simon Kostner de Sëlva, tel. 347 2297492.
Doturs Val Badia
Le dotur en sorvisc tla fin dl’edema di 3 y 4 de dezëmber, ti comuns de Badia, Corvara y La Val, é le dotur Martin Spechtenhauser, La Ila, tel. 0471 834200. Ti comuns de Mareo y San Martin él da contaté le Sorvisc de Medejina de Basa al 338 4932083

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 25.11. nchin n vënderdi ai 02.11. ie chëla de S. Cristina, tel. 0471 792106 o 333 1776615 (orar de giau­­rida 8:00-12:00/15:00-19:00).
Apoteca Val Badia
L’apoteca en sorvisc fora dl orar ordinar, dal vëndres ai 2 de dezëmber dales 19:00 al vëndres ai 9 de dezëmber ales 19:00, é chëra d’Al Plan, tel. 0474 501240.

Temp Lede
Atualmenter
Marcià da Nadèl sul Lech de Ciareja
De sabeda e domenia per 4 fin de setemèna de dezember da les 10 da doman foin les 8 da sera a peèr via dai 3 de dezember vejin al Lech de Ciareja l é avert la ciasetes de legn del Marcià da Nadèl. Pulmins debant dal piaz di auti del Paolina Info: Carezza Event, 0471 619520.
Atualmenter
Marcià da Nadèl a Moena
Ai 3 e 4 de dezember, dai 8 ai 11, e amò ai 17 e 18 e dai 21 ai 8 de jené (fora che l dì de Nadal) te Piaz de Sotegrava, Piaz de Ramon e Picol Piaz Perle Alpine a Moena l é avert le ciasete de legn del Marcià da Nadal, con evenc de cornisc. Info: Comitat Moena Eventi, nr 371 4349560.
Atualmënter
Stories y pensieres d’Avënt
Tla biblioteca de Sëlva uniràl liet dant stories y pensieres d’Avënt per ladin, talian y tudësch, for dala 17:30: ncuei, ai 02 de dezëmber y pona ai 06,07,12,13,14,15,19,20,21 y ai 22 de dezëmber.
Atualmënter
Urtijëi, luech da Nadel
Chëst ann uniràl inò metù a jì l marcià da Nadel tl raion da jì a pe de Urtijëi. De plu butëighes meterà ora si marcanzies, sëuraprò saràl inò de plu stonc che dajerà ora da maië y da bever.
Atualmënter
La Val: ala descurida dl paisc
Na ciacia al tesur particolara condüj chësc invern fora por le paisc da La Val. Da dezëm­ber cina ai 9 d’aurí pón tó pert ala spazirada interativa, olache le travert é da ciafé la parora de soluziun, chirin les lëtres tles staziuns desvalies fora por paisc. Infos y materiai da pié ia ciafon tl ofize turistich da La Val.
07/10.12.
Picol marcià da Nadèl a Vich
Dai 7 ai 10 de dezember da les 15:30 a les 18:30 e dapò dai 11 ai 18 de dezember da les 10:00 a les 12:30 tel picol piaz dedant al Ofize turistich de Vich vegn endrezà l marcià da Nadèl »Picol, bon e bel!«
08/11.12.
Marcià da Nadèl
Te Calonia de Pera, ai 8 de dezember da les 9 a les 12 e da les 14 a les 19, ai 10 da les 14 a les 18 e ai 11 da les 9 a les 12 e da les 14 a les 19 vegn endrezà n picol marcià da Nadèl. Chel che vegn tout su ge vegn sport dut al Grop miscionarie Freinademetz/Mato Grosso.
02.12.
Cor di Jëuni – Naugurazion dl marcià da Nadel a Urtijëi
N ucajion dla giaurida y naugurazion dl marcià da Nadel a Urtijëi cianterà l Cor di Jëuni de Urtijëi ncuei vënderdi, 02.12. dala 17:00 tl zënter dl luech.
02.12.
Mostra de criples
Tl raion da jì a pe de Urtijëi uniràl metù ora de plu criples ntan l tëmp da Nadel. La espusizion sarà da udëi da nuclei, vënderdi 02.12. nchin ai 08.01.2023.
03.12.
LADIN POP – usc jones rejona
L podcast nuef de Nadia Moling y Nadia Rungger sarà n duman sada ai 3.12. dala 19:30 tl zënter de cultura Astra a Persenon.
04.12.-08.01.
Cripeles sui festii a Vich
Dai 4 de dezember sui festii de Vich se pel veder la cripeles enjignèdes da la desvaliva sociazions, privac e artisć del paisc, ti ciantogn da Sèn Jan fin sa Valongia. Les restarà fora enscin ai 8 de jené del 2023. Dai 9 de dezember de vender da les 17:00 raida vidèda con aperitif. Prenota­zions al 335 7479965.
05.12.
San Miculau te Gherdëina
Ai 5 de dezëmber, pernanche l vën scur, jirà San Miculau tres la plazes di luesc de Gherdëina, cun si angiuli y l fant. A Urtijëi dala 17:00 tl raion da jì a pe, a S. Cristina dala 15:00 sun Plaza de Chemun y te Sëlva dala 16:30 sun Plaza de Dlieja.
05. y 06.12.
San Micurá a Calfosch, San Ciascian y La Ila
En lönesc ai 5.12. él San Micurá che vá a ciafé i mituns da Calfosch, dales 17:30 sön plaza de dlijia, pro l’apun­tamënt dla »Magia dl Nadé«. A San Ciascian röia San Micurá le medemo de dales 18:00, pro le »Paisc da Nadé« tl zënter. Ai 06.12. dales 17:00 él San Micurá che storj pro a La Ila, dan la scora de schi. Al ti partiará fora ai mituns duciaries da Nadé.
07.12.
Mountain Christmas: marcià da Nadel te Sëlva
Ai 7 de dezëmber dala 15:00 inant gëura inò l marcià da Nadel sun Plaza Nives te Sëlva. L marcià jirà inant nchin ai 08.01., for de vën­derdi, sada y dumënia y dai 24.12 ai 08.01. uni dì.
08.12.
Descurí le monn dl biatlon
D’invern él la posci­bilité da imparé les regoles dl biatlon adöm cun n maester. An s’incunta danter les 9:00 pro le zënter de paslunch a San Ciascian. Prenotaziuns al cost de 40,00€ y informa­ziuns ti ofizi turistics dl’Alta Badia.
08.12.
Marcià da Nadel dla Locia
La berstot dla Locia nvieia a si marcià da Nadel dai 08.12.–11.12. for dala 10:00 nchin la 19:00. L unirà metù ora deplù prudoc fac y laurei ora a man da chi che lëura te bestot, tla sala dla Lia Mostra d’Ert.
11.12.
Atmusfera d’Avënt pra l lech sun Pana
Ai 11 de dezëmber, dala 15:30 – 16:30, puderàn fè n trëi var’ nchin pra l lech de Pana, ulache n puderà se goder na bela atmusfera da Nadel, cun mujiga d’Avënt, papes y n bon té ciaut o na copa de vin cuet. La manifestazion unirà a s’l dé nce ai 18.12., for dala 15:30 nchin la 16:30.
11.12.
Ejibizion dla grupa da bal de Urtijëi – Mountain Christmas
La Grupa de Bal Populer de Urtijëi balerà cun l guant tradiziunel sun l marcià da Nadel te Sëlva, sun Plaza Nives, ai 11.12. dala 17:00.

Mostres y Ert
Atualmenter
Na mostra e n liber per Tita Pederiva
Fin ai 4 de dezember duc i dis con orarie 16:00-19:00 se pel veder te La Gran Ciasa a Soraga la mostra de operes del artist Tita Pederiva Batiston endrezèda da l’Union di Ladins de Fascia col sostegn del Comun de Soraga. Chiò se pel ence se comprèr l liber col catalogh.
Atualmenter
Oraries mostra La Gran Vera
La mostra »1914-1918 La Gran Vera: Galizia-Dolomiti« te Navalge a Moena aur dai 8 ai 11 de dezember da les 15:30 a les 19:00. La mostra sarà endò averta dai 26 de dezem­ber fin ai 8 de jené duc i dis con orarie 10:00-12:30 e 15:30-19:00 e dapò dut invern demò da la jebia a la domenia da les 15:30 a les 19:00.
Atualmënter
Mostra persunela de Robert Bosisio
La mostra tla Galaria Doris Ghetta a Puntives sarà davier­ta nchin ai 20 de jené 2023.
02.12.
»Monochrom«, mostra fotografica de Werner Dejori
Cuntredes de nëif, pizes de crëps maiestëuses y pultredes de bòsc misteriëusc, dut a blanch y fosch, nes lecorda l meifinà y la gran forza dla natura. La giaurida ie ncuei, vënderdi ai 02.12. dala 18:00 tl Tublà da Nives te Sëlva y va inant nchin ai 18.12, for dala 16:00–19:00.
06.12.
»La memoria di tutti«
La fundazion Falcone nvieia al’ancunteda publica ai 06.12. dala 11:00 nchin la 13:00 tla Aula Magna dla Università Liedia de Bulsan, cun paroles danter l auter de Maria Falcone y Arno Komptascher. N ucajion dl trentejim aniver­ser dla strages dla mafia dla Talia uniràl naugurà la opra de Gregor Prugger »L’albero dei Tutti« sun Plaza Università.

Teater
Atualmenter
Rassegna de teater
Insnet, vender ai 2 de dezem­ber da les 20:30 al PalaDolo­mites a Ciampestrin e dome­nia ai 4 da les 15:00 te Oratorie de Moena I Amisc del Teater met dant »A jiar col föch«. La rassegna se serarà col teater »Centecincanta la gialina cianta« de la Sociazion Anter­moia ai 16 da les 20:30 te La Gran Ciasa a Soraga e ai 18 da les 15:00 al PalaDolomites.
03.12.
L piajer del teater
Doman, sabeda ai 3 de dezem­ber da les 20:45 te chino de Tieser per la rassegna ‘L piajer del teater’ l é la filodra­matica de Fornace che met dant la comedia »I tre moscatieri«. En mercol ai 14 da les 21:00 per la ‘sajon del teater’ l é »Amore sono un po’ incinta« con Marco Cavallaro e Sara Valerio.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
06.12.
Viles e mesc tla Ladinia
Dales 20:50 ca. Aldedaincö se án forsc n pü’ desmentié che i mesc y les viles testemo­niëia la relaziun che la porsona á albü cun les munts por milesc d’agn, y che resta ince aldedai­ncö ciamó importanta por le man­tig­nimënt de nostes con­tra­­des y, nia inultima, por podëi ti pité al ghest che vëgn chiló da nos avisa ci che fej nüsc raiuns tan particolars. Ara nen vá da mantigní süa ani­ma, por che an pois manti­gní vis le savëi, la storia, i recorc dles generaziuns che á podü ciafé chiló assosta, prote­ziun, sostentamënt ti zicli zënza fin de vita y mort. Chësta é nosta richëza.Program de Karin Pizzinini, a cura de Anna Mazzel.
06.12.
»Emozions« sun AltoAdige TV
Ala se trata de n program de 30 menuc che descriv raions dla Ladinia con sies realtés culturales, storiches, soziopoli­tiches, gastronomiches y dantaltut popolares dles fra­zions manco conesciudes dla Ladinia storica. Jent contarà de sies stories y esperienzes. La trasmiscion é da vedei sun Alto Adige TV y và en ona vigni prum merdi dl mens da les 20:40 y vigni prum vender dl meis da les 23:00. En merdi ai 6 de dezember saràl da vedei La Pli de Mareo con Pliscia, olà che de plu abitanc dl post conta sies esperienzes y n toch de storia dla frazion de Mareo. La trasmiscion sarà ence da vedei te internet, sun la plata Altoadige Tv sot a cultura, spo emozions.
07.12.
Paladina
Dales 20:50 ca. Program de Giulia Tasser y Hanspeter Karbon, a cura de Leo Senoner.
08.12.
Df: La families tiza ite bolifes e projec
Dales 20:50 ca. Te noscia valèdes i valores de la familia i é muie fogn e l jir del temp l’à mudà man a man i besegnes de la jent. La scomenzadives anchecondì les va dò a chest cambiament e les porta semper più responetes concretes. La familes, e en particolèr la mères, didèdes da lies e istitu­zions, les tiza ite con gaissa e empegn semper più bolifes per meter en pe neves projec de sosetegn.Program de Cinzia Pistoia, a cura de Anna Mazzel.

Radio
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
06.12.
Gana: Con la neif sot i piesc
L numer nef de gana é dedicà a la eles che à tout pèrt a la sto­ria del schi alpin, del pas­lènch, del saut, del biathlon, de la brea, del freestyle e via via duta la disciplines che apascionea la eles canche les à la neif sot i piesc. N grum de stories, mizàcoles de vita personèla rencurèdes tel privat e vites publiches cognosciudes a dut l mond. En rejonaron con la redadores Olimpia Rasom e Ingrid Runggaldier, conduzion Anna Mazzel.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
02.12.
»Fun&More» – la sala di jëuni renuveda
Dales 19:05. Dan 36 ani fovel unì nvià via la prima sala di jëuni te Calonia de Sëlva. Da ntlëuta ie chësc self stat n pont de referimënt per l’atività di jëuni dl luech. Ma l tëmp passa y la esigënzes y manieres de viver se muda. Nscila àla giapà ultimamënter n bel facelifting nuef ulache l ie unì fat deplù lëures. L presidënt Alex Villgrattner y la cunse­liera Julia Senoner, sciche nce Guido Demetz che fova l presidënt ntlëuta dl 1986 y l’assessëura de chemun Nicol Insam fej si cunscidrazions ncont de chësta sala nueva. Trasmiscion de Georg Mussner.
03.12.
Momënc de vita – intervista a Sepl Pizzinini
Dales 19:05. Sepl Pizzinini é nasciü söl lüch de Crafunara a Badia, olache al á lauré döta la vita. Crafunara é n lüch da paur dalunc dal zënter de Badia y al é scialdi ërt, porchël sfadius da lauré. Sepl nes cunta de so laur söl lüch da paur y te bosch y ince de ci che al á fat por la comunité de Badia. N program de Erika Castlunger.
06.12.
Teater musical »Ujöp da Oies« (6)
Dales 19:05. N program de Alessandro Dapunt.
07.12.
I sun düc un: Smendrèr la desvalivanzes
Dales 19:05. Smendrèr la desvalivanzes pea via tel picol e rua tel gran tant anter perso­nes che aldò del post olache se nasc, desvalivanzes anter Stac, anter ic e eles, anter situa­zions de dejèje e tropa de autres. La storia de Stefen Dellantonio scomenza apontin con picola desvalivanzes che podon viver duc vigni dì per ruèr dapò a contèr ence autra sorts de desvalivanzes. Pro­gram de Anna Mazzel e Elide Mussner.

Sozial
Atualmenter
Cors de Tai Chi e stretching
L Comun General de Fascia, en colaborazion con la Socia­zion Rencureme, endreza n cors de Tai Chi ogne jebia da les 16:00 a les 17:00 te scolina de Pera con Irene Deflorian e de stretching con Francesca Dellagiacoma ogne mèrtesc da les 15:00 a les 16:00 te sala Tisti a Molina per persones che stenta a se mever e caregivers. Per l cors de Tai Chi iscrizions al numer 349 3264800.
Atualmenter
Duc ensema ativa-ment
La Sociazion Bambi con Sportabili Fascia e Fiem e l didament del Comun General de Fascia met a jir n projet de inclujion travers l sport per sozialisèr e tor ju la barie­res. L é 4 apuntamenc de sabeda fin ai 17 de dezember e l é da se scriver ite a Sporta­bili. Per info e iscrizions tor contat (ence whatsapp) con Manuel al 335 8021459.
Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Iló ciafa families y porsones che á debojëgn spëisa debann. Ala bancarela pó s’oje la jënt di comuns de Badia, Corvara y La Val.
Atualmënter
Contribuc »Cörs dla Val Badia«
Porsones/Families dla Val Badia á la poscibilité da damané do contribuc finan­ziars por cunc/fatures de bojëgns primars (scialdé, forza eletrica, afit, spëises sanitares, etc.) Le formular por fá domanda ciafon sön www.solidariete.it, an pó ince fá domanda ti ofizi KVW de Badia y Al Plan. Infos: info@solidariete.it
Uni merdi
Marënda per i sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Senio­res). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia S. Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à debujën (che à la residënza a Urtijëi).
02.12.
Deberieda: Festa de San Miculau
La grupa »Deberieda«, na grupa per se ancunté danter persones che à problems psichics o de sozialisazion cun ulenteres, nvieia ala festa de San Miculau, n vënderdi ai 02.12. dala 14:00 tla sala dl Zënter Soziel a Urtijëi.
03.12.
Scincundes da Nadel de segonda man
La Lia per Natura y Usanzes deberieda cun la urganisazion umanitera Help Goma nvieia al marcià dl adurvà n sada, ai 03.12. dala 15.00 nchin la 17:00 tla sala Trenker te Cësa di Cungresc a Urtijëi. N vënderdi ai 02.12 danter la 17:00 y la 20:00 pòssen dé ju la roba, muessa sambën vester nëta y te de bona cundizions. Chi che ulëssa purté plu de 5 articuli, ie prià bel de cherdé su Heidi 338 597 8995 o Valentine 334 546 1991.
04.12.
Sensibilisazion su la desabilità
L Comun General de Fascia endreza en domenia ai 4 de dezember da les 15:00 al PalaDolomites de Ciampestrin na scontrèda de sensibilisazion sui pedimenc »Nesciun limit, demò orizonc« con la musega de Cianton da Marevea, Gian­luigi Rosa e Chiara Mazzel atlec paralimpics e la partezi­pazion de la scolines de Cianacei, Pera e Soraga.

Mujiga
03.12.
Conzert per Re Laurin te teater Navalge
En sabeda ai 3 de dezember da les 21:00 te teater Navalge a Moena la Musega da Vich e la Musega da Moena porta dant n conzert adum, per ge far onor a la musega e al leam de amicizia, sot la direzion di doi maestres Alessandro Ghetta e Roverto Silvagni.
04.12.
Cunzert dl Ladinia Women’s Chorus
L cunzert »Cantate Domino« dl Ladinia Women’s Chorus sarà da audì ai 04.12 dala 20:30 inant, tla dlieja de Santa Cristina.
07.12.
Meludies da Nadel cun l cuartet »De Cater«
N ucajion dla giaurida dl mar­cià da Nadel te Sëiva ai 07.12, cianterà l cuartet »De Cater« dala 17:00 sun Plaza Nives.
08.12.
Cianté l Avënt cun l Cor di mutons y dla mutans de Urtijëi
Tla dlieja de San Durich uniràl ciantà cianties d’Avënt cun l cor di mutons y dla mutans de Urtijëi, ai 08.12. dala 18:00.
08.12.
Cianties d’Avënt
L Cor y l’Urchestra de Dlieja de Urtijei nvieia a n pitl cun­zert de cianties d’Avënt, n juebia ai 08.12. dala 17:00 te dlieja a Urtijëi. L ven purtà dant cianties per ladin y tudësch. L orgun sunerà Theodor Rifesser. Paroles per l Avënt dl digan sn. Vijo Pitscheider. Direzion muji­ghela de Felicitas Schwiezer y Victor Canins.
08.12.
La Val: conzert d’Advënt
En jöbia ai 8 de dezëmber dales 16:00, festa de Santa Maria Imacolada, vëgnel tigní te dlijia da La Val n conzert d’Advënt. Al cianta y sona le Cor dles ëres »Raiëta«, i grups »Frisch g’strichn«, »Volxbrass« y »Cuartet Vocant« y l’erpa. Magdalena Miribung portará dant tesć meditatifs.
09.12.
Nadel – Cunzert d’Avënt cun Sabina Willeit y Giorgio Fasciolo
La Lia dl Turism de Urtijëi, deberieda ala lia Sustëni ala Vita, nvieia al cunzert »Nadel« cun Sabina Willeit (sopran) y Giorgio Fasciolo (tlavier) ai 09.12. dala 17:30 inant, te Cësa di Cungresc a Urtijëi. L cunzert vën cumpanià da pensieres meditatives, scrites y lietes dant da persones cun handicap.

Chino
Atualmenter
Al chino de Tieser
Insnet vender ai 2 de dezember da les 21:15 e domenia ai 4 da les 20:30 l é »La stranezza«, mercol ai 7 da les 21:15 l é l documentarie »L’ultima vetta«, jebia ai 8 e vender ai 9 da les 17:15 l é »Strange world« e da les 21:15 l é »Vicini di casa«.
Religion
03.12.
Ancunté Gejù - mëssa per mutons y families
La mëssa per mutons y families sarà n duman, 03.12. dala 17:00 tla dlieja de San Durich a Urtijëi, cun Sn. Digan Vijo Pitscheider.

Avisc
Atualmenter
Assegnes de studie del CGF
Enscin les 12:00 di 16 de dezem­ber se pel fèr domana al Comun General de Fascia per i assegnes de studie e i didamenc per speises de viac ai studenc residenc te Fascia del 2° livel de istruzion che à i requisic pervedui. Info e i for­mulères sul sit www.comun generaldefascia.tn.it o te Ofize Assistenza Scolastica del CGF, tel. 0462 764500 int. 2.
Atualmenter
La dreta regoeta desfe­renzièda ence per i ghesć
Per didèr i ghesć ti cartieres a fèr la regoeta del refudam coche carenea l é a la leta info e kit sorii te desvalives lengac che se pel desćiarièr dal sit https://fassambiente.it/kit/. Se pel ence domanèr te Ofize Ambient del Comun General de Fascia (ambiente@cgf.tn.it – 0462 764500) e ti Ofizies tribuc de duc i Comuns de Fascia.
Atualmënter
Orares zënter furmazion CEDOCS a Bulsan
L secretariat a Bulsan ie da­viert da lunesc nchin vënderdi dala 08:30 nchin la 12:30 y da lunesc nchin juebia dala 15:30 nchin la 19:00. Tel.: 0471 930096
Atualmënter
Iscrizions: S. Miculau vo ora per la cëses
Nce chëst ann uniràl metù adum grupes de San Miculau che jirà da cësa a cësa. L’iscri­zions vën tëutes su da lunesc ai 21 de nuvëmber inant. Per Urtijëi pudëis cherdé su te ufize dla Nëus Jëuni Gher­dëina al 0471 799006 dala 10:00 inant, per S. Cristina al Cor di Jëuni de S. Cristina al 333 5491707 y per Sëlva tla Lia dl Turism al 0471 777900.
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’edema: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa.
Atualmënter
L’Ofize de »Ëres dëida Ëres«
L’ofize a Bornech é da ciafé tla str. Paul von Sternbach nr. 6, info.bruneck@frauen helfenfrauen.it. Al é davert dal lönesc al vëndres dales 8:30 ales 11:30. Fora de chësc orar, vëgnel tut sö termins sön prenotaziun. Tel. 0474 410303.
Atualmënter
Iniziativa di ëi de Puster – MIP
L’ofize dla MIP – Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Tel. 0474 555848, info@mip-pustertal.it
02.12
Inout fèsc sCOOP te Museo
Anché, vender ai 2 de dezem­ber te Museo Ladin de Fascia da les 17.30 i joegn che à tout pèrt al projet »sCOOP« endrezà da Inout col sostegn de La Risola i porta dant idees e riflescions nasciudes te chest percors.
07-09.12.
Prejentazion GANA
Chest temp de Avent ne porta n nef numer de la revista GANA. Dut dedicà a la eles e l schi, l vegn prejentà en mercol ai 7 de dezember da les 17:30 te sala grana del Comun General de Fascia a Sèn Jan e en vender ai 9 de dezember da la medema ora a Urtijëi tla biblioteca de la Cesa di Ladins.
08.12.
Reunion dl KVW de Urtijëi/Runcadic
N juebia ai 08.12. dala 15:00 te Cësa di Cungresc a Urtijëi saràl la reunion generela dl KVW de Uritjëi/Runcadic., N chësta ucajion puderàn tò la cherta da cumëmber:ra per l ann 2023. Chësta ie bele da pudëi avëi dala 14:30 inant. Per chi che ne possa nia vester leprò, dajons da lecurdé che dai 12 de dezëmber inant puderàn jì a se tò la cherta tla Butëiga dl Mond. L KVW de Urtijëi/Runcadic se ncunforta sce uniëis de trueps:es.
16.12
Ujes averc te la Scola de Fascia
En vender ai 16 de dezember da les 14:30 a les 16:30 la Scola Ladina de Fascia aur si ujes per fèr cognoscer si licees, veder si programes e vijitèr la scoles e i laboratories e aer informazions sul projet Ski College.

Sport
Atualmënter
ITF Women Val Gardena Südtirol Raiffeisen 25.000€
La segonda edizion dl turnoi nternaziunel dl’ëiles jirà inant nchin ai 03.12., tl zënter dal tennis te Sëlva. Ntan la ultima edizion à l turnoi uspità juga­dëures dla top 100, danter l auter nce la ucraina Marta Kostyuk (nr. 57 tla tlassifica mundiela WTA).
08.12.
HCG vs. EC-KAC Future Team
L Hockey Club Gherdëina nvieia ala partida dl’Alps Hockey League contra l EC-KAC Future Team, n juebia ai 08.12. dala 20:30 tl stadio Pranives de Sëlva.