La Usc di Ladins

Mujiga
20.- 29.03.
N’ena de mujiga »Rock the Dolomites«
Dai 20 de merz nchin ai 29 de merz suneràl uni di te n’autra utia o tl luech de Sëlva d’uni sort de grupes. L pro­gram plu avisa ie da abiné sun valgardena.it

Temp Lede
Atualmënter
La Val: Ala descurida dl paisc
Na ciacia al tesur particolara condüj fora por le paisc da La Val. Tratan döt l’invern pón tó pert a na spazirada inte­rativa. Deplü indic y do­manda daidará i partezipanc da ciafé le tesur. Na ocajiun olache an pó ince descurí tröpes coriosités dl paisc. Infos y materiai da pié ia ciafon tl ofize turistich a La Val.
21. – 23.03.
Roda dles saus
Tl raiun dai schi da La Crusc pón ciarcé fina en domënia ai 23 de merz spezialités la­dines pro deplü üties. An pó rové pormez cun i schi o ince a pe.
22.03.
Spring Race Party a Urtijëi
Do la gerejeda dl Spring Race uniràl a s’l dé – domesdì via – la Spring Race Party tl zënter de Urtijëi, cun de bela mujiga; bars, butëighes y restauranc dajerà ora zeche de bon da maië y da bever. L devertimënt ie assegurà!
26.03.
Nos Ladins cun Arthur
Cun »Nos Ladins« án la posci­bilité da descurí deplü sön le monn ladin y i mistiers de nosta jënt. En mercui ai 26 de merz dales 14:00 pón im­paré da jí cui schi da tele­mark cun Arthur, a San Ciascian. Iscriziuns y informa­ziuns on­line o ti ofizi turistics dl’Alta Badia.

Teater
Atualmënter
Teater tl Vinzentinum
L teater di maduranc:andes dl Vinzentinum »Mord im Kloster­hotel» vën purtà dant tla sala Parzival dl Vinzen­tinum y plu avisa ai 21, 22, 23 27, 29 y 30 de merz. I orares ie da abiné sun la plata vinzentinum.it. La ntreda ie a dunfierta liedia.
Atualmënter
»Reset ... y düt mët man danü« a San Martin de Tor
Le toch da rí de Roman Frankl y Michael Niavarani é gnü metü tl ladin da Matteo Ru­batscher, che fej ince la regia. Les rapresentaziuns sará cia­mó chisc dis: sabeda ai 22 de merz dales 20:00 y domënia ai 23 de merz dales 15:00. Les prenotaziuns vëgn tutes sö al 0474 646030.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
25.03.
L’educaziun mët man dala nasciüda de na porsona (M.Montessori)
Dales 19:05. La scora primara de Urtijëi á dlungia les tlasses ordinares ince na seziun che laora do la metoda de Maria Montessori. La direturia Mo­nica Moroder nes cunta dla nasciüda y di svilups de chësta seziun. N program de Sara Frenner.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
21.03.
Sellaronda Skimarathon: cun la peves ntëur l Sela
Ai 14 de merz fova inò dut anjinià per la 31ejima edizion dl Sellaronda Skimarathon. La garejeda de schialpinism ova bele tl 1995 descedà gran nteres y da ntlëuta ie la »Re­gina dla nuet« chersciuda da ann a ann, tant che n à messù mëter n lim al numer partezi­panc. Per i scric ite iel daniëura na bela sperienza pudëi fé i cater pasc de nuet cun na lum sun l cë y la pistes resservedes mé per ëi. Trasmiscion de Alex Runggaldier.
23.03.
L’ansciuda sona mpue dloncora
 N pudëssa dì che »L ansciuda sona mpue dloncora« y l’an­sciuda à da for nce abù na posizion mpurtanta tla mujiga. Per i ciantarins dla mujiga moderna uel chësta sajon dì renuvamënt, rena­sciuda y motivazion, ma nce ncher­sciadum y melancunia. Au­diron cianties di Beatles, Donna Summer, Katrina & the Waves, Lorenza Goggi, Laura Pausini, Silbermond, Iaco Rigo y Santana. Tras­miscion de Georg Mussner.
27.03.
Personaji straordinars de nosta storia: Maria Montessori
Dales 19:05. »L’imparé dess ester n jüch,« insciö la ponsâ la doturia y pedagoga Maria Montessori, che á porté ite tl insegnamënt metodes inova­tives por chi che ê sü tëmps de vita. L’insegnanta Margoth Demetz nes cunta te chësc program dla porsona Maria Montessori y de süa pedagogia che é incö tres ciamó dër apri­jada y praticada. N program de Sara Frenner.
Informaziuns plü menüdes sön i programs radio y tele­vijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota »Media­teca« y les trasmiscions radio sota »Podcast«.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
25.03.
Pizes dla Ladinia – La Piza Cuecenes
Dales 20:50 ca. Program de Manfred Stuffer y Hans Peter Karbon, a cura de Alessandro Dapunt.
26.03.
Tassie – Cardenzes che se sorapeèa
Dales 20:50 ca. Te l ozident una de la rivoluzions che più à scorlà l’esser de l’om l é stat l sparpagnament de l cristia­nesim. Fajon n viac te 3 lesc che conta i mudamenc portè dant da chesta neva religion, e che, sotousc, ne conta ence de la cardenzes arcaiches de nes giaves. Program de Matil­de Gazzini, a cura de Anna Mazzel.
27.03.
Euro
Dales 20:50 ca. Program de Diego Clara y Hartmann Mair­hofer, a cura de Leo Se­noner.

Dotours
Dutor Gherdëina
L dutor de servisc da n sada ai 22.03. dala 08:00 daduman nchin la 08:00 daduman de n lunesc ai 24.03. ie l dutor Valentin Tröbinger de Sëlva, tel. 0471/773073 o l 335 684 4944.
Doturs Val Badia
Tla fin dl’edema di 22 y 23 de merz él en sorvisc ti comuns de Mareo y San Martin le dotur Eduard Agreiter, San Martin, tel. 0474 523315 o 333 1380852. Ti comuns de Badia, Corvara y La Val él en sorvisc le dotur Guido Caretta, Calfosch, tel. 0471 836870 o 337 616080.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 21.03. nchin n vënderdi ai 28.03. ie chëla de Ciastel, tel. 0471/706323 (orar: lu-ve 8.30-12.00/15.00-19.00. Turnus: sa. 8.30-12.00/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 21 de merz dales 19:00 al vën­dres ai 28 de merz ales 19:00, é chëra d’Al Plan, tel. 0474 501240.

Avisc
Atualmënter
Iscrizions Scola de Mujiga
La Scola de Mujiga de Gher­dëina fej al savëi che la iscri­zions online per l ann 2025/26 ie daviertes nchin ai 31 de merz sun my.civis.bz.it. Per la iscrizions iel debujën dl SPID. Coche uni ann puderàn crì ora danter de plu strumënc, cianté, muvimënt y bal.
Atualmënter
Iscrizions »Gaia«
La Lia Gaia mët a jì n proiet da d’instà, per mutons y mu­tans dl 2018-2020 y na segon­da grupa per i ani 2013-2017. L proiet va dai 23 de juni nchin ai 22 de agost. Orar: 07:45–14:30. La iscrizions vën tëutes su mo ncuei, 21.03. tres l formular sun www.pro-gaia.net.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
Cors

• 
•  

View the embedded image gallery online at:
https://www.lausc.it/manifestazions-y-evenc/29132-manifestazions-atuales#sigProIdbc306ba256

de tango
L Comun General de Fascia, en colaborazion con ASD Tango al buio, endreza n cors per scomenzèr a balèr l tango argentin con ensegnanc col diplom nazionèl e interna­zionèl, lezions da les 19:00 a les 20:00 te Oratorie de Poza a Sèn Jan. Info e prenotazions al 347 0194799 o tango.albuio @gmail.com.
Atualmenter
Grop de letura per bec
Te Biblioteca de Comun de Sèn Jan, te Strada Roma 3 a Vich, scontrèdes de letura per bec »L’isola che non c’è« con Elisabetta Vanzetta: ai 30.04 e ai 28.05. Info al 389 1122243, ence whatsapp, o a sangiovannidifassa@biblio.tn.it
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Fa­conti. L cost ie de 5€ per cu­mëmbri dla Lia Gaia.
Merz
Iscriziuns ala scora de musiga Val Badia – online
L’iscriziuns ales scores de musiga dla provinzia pón fá dal 1. ai 31 de merz, ma online tres les sorvisc dl’aministraziun provinziala »myCivis« al link https://civis.bz.it/einschreibu ng-musikschule . L’azes al sor­visc vá tres SPID o CIE (cherta d’identité eletronica). Informaziuns ciafon te secre­tariat dla scora de musiga a La Ila al 0471 847748 o sot https://deutsche-bildung.pro vinz.bz.it/de/musikschulen
14.03.
Sakl: iscrizions
L proiet per l instà Sakl, per mutons y mutans dl 2010-2013 (*n valguna enes nce per chëi dl 2008–2009), vën metù a jì dala Nëus Jëuni Gherdëina, dai 23.06. nchin ai 29.08. L orar depënd da ena a ena. La iscrizions per Runcadic possa unì fates tres mail a info@njg.it, ncuei ai 14.03. dala 07:00 inant. Nfur­mazions plu avisa sun www.njg.it.
22.03.
Cena pureta de condivijion
L Grop miscionarie Freina­demetz e Operazion Mato Grosso endreza en sabeda ai 22 de mèrz da les 19:00 te Oratorie de Poza la Cena pureta de condivijion e solida­rietà. Se podarà scutèr la testimonianza de Anna Deluca da Valongia volontadiva a la Cèsa de Acolienza Mère Teresa de Calcutta Encanada tel Perù. La bonamans jirà a la miscion.
30.03.
Lucio Gardin Show
En domenia ai 30 de mèrz da les 14:30 al PalaDolomites l é l show cabaret de Lucio Gardin »Farò del mio meglio«.
14.04.
Instà Vif – iscrizions
L proiet per l instà Instà Vif, per mutons y mutans dl 2012–2018, vën metù a ji dai Che­muns de Gherdëina deberieda cun lies, dai 23.06. nchin ai 15.08. dala 08:30-12:30 o dala 13:30-17:30. La iscrizions possa unì fates ai 14 de auril dala 20:00 inant tres l link o QR–code che n abina sun l julantin dat ora.

Iadi y Jites
24.–27.03.
Iscrizions: Schialpinism tl raion dl Adamello
La Lia da Mont Gherdëina mët a jì na jita de trëi dis cun i Mëinacrep de Gherdëina tl raion dl Adamello. La raides arà n deslivel de za. 1200 m, mesanmënter ries. Da tò pea ie la massaria che n adrova a ji cun la peves y sun dlacier. Per plu nfurmazions: Ivan (348 7803397) o Silke (339 7160765). Iscrizions dai 24 ai 27 de merz per whatsapp da Ivan, cun l inuem, ulache n sënta su y cie che mancia da massaria. Priesc: 400,00 €.

Mostres y Ert
Atualmënter
Crëps
La mostra de Riccarda de Eccher, che mostra acuarei dla Elpes y particularmënter dla Dolomites che devënta prutagonistes de si lëures, ie da udëi nchin ai 29 de merz tl Tublà da Nives te Sëlva. Orar: Uni di ora dl lunesc, 15:00–18:00.
Atualmënter
Ziclus – ert cun la natura
Per «Kunst im Gang[e]» à l artist Jan Langer crià ert cun materiai y culëures dla natura, deventan un cun l ziclus che fej ora la cuntredes de Süd­tirol. La mostra resterà da udëi nchin ai 2 de mei tla Cësa de Chemun de Laion, lunesc–vënderdi 08:00–12:00 y de juebia domesdi, dala 16:00–18:30. Nfurmazions plu avisa: Elisabeth Frei, 333 455 62 36.

Referac
24.03.
L’apoteca de ciasa
En lönesc ai 24 de merz dales 20:00 él tl pice salf de Comun a La Val le referat por todësch »L’apoteca de ciasa por vigni caje«, cun l’esperta de erbes Irene Hechenberger. Organi­saziun: Uniun Ëres y Consëi de formaziun La Val.
24.03.
Prejentazion dl Geoportal
L Geoportal – na plataforma digitela sun chëla che l’arpejon culturela ne unirà nia mé pre­­­jenteda ma nce localiseda geograficamënter – vën pre­jentà te na manifestazion ufi­ziela ai 24 de merz dala 18.00 tla gran sala dl Museum Gher­dëina. Daldò puderàn vijité l Museum y ti cialé da daujin a n valgun pec. La ntreda ie debant.
26.03.
»Mi raida ntëur al mond«
La biblioteca de San Durich a Urtijëi nvieia a la prejenta­zion de Ivan Senoner »Mi raida ntëur al mond«, n mier­culdi ai 26 de merz dala 20:00.
27.03.
Sëira

• 
•  

View the embedded image gallery online at:
https://www.lausc.it/manifestazions-y-evenc/29132-manifestazions-atuales#sigProIdbc306ba256

n con’ dla rondules y generela dla Lia Uciei
N ucajion di doi ani dla Lia Uciei Gherdëina vëniel metù a jì ai 27 de merz dala 20:00–tla Biblioteca dla Cësa di Ladins – na sëira n con’ dla ron­dules cun l referënt Leo Mo­roder y l cunsëi dla Lia Uciei: ciuna rondules ons’a tlo da nëus y co pudons’a ti judé? Daldò saràl la senteda generela dla lia.
28.03.
La belëza dl crëidum tla mujiga
L KVW de Urtijëi nvieia a chësc referat de Agnes Irsara, ai 28 de merz dala 20:00 te calonia a Urtijëi. Cun ejëmpli de mujiga vëniel mustrà coche la mujiga possa judé a sentì y viver l crëidum.
29.03.
Rosis Gartenglück
La paura bio Rosi Mangger Walder mostra coche n po’ miuré l fonz y la tiera de verzon: n sada ai 29 de merz dala 14:30 tla biblioteca Tresl Gruber a S. Cristina.

Segres y Festes
29.03.
Gardenissima: Festa do la garejeda
Do la garejeda epica dla Gardenissima saràl dala 16:00 inant festa pra l puent de Col da Mulin te Sëlva, cun mujiga di »Dorfrocker«, DJ Matty Valentino y DJ Ondy.

Sozial
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698 343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. Le pro­scim termin é ai 27 de merz. Al vëgn dé fora da mangé a dötes les porsones dla Val Badia che á debojëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Chino
Atualmenter
Al chino de Pardac
Sabeda ai 22 de mèrz da les 21:00 e domenia ai 23 da les 20:30 l é »Nella tana dei lupi 2–Pantera«, mercol ai 26 da les 21:00 per la rassegna ‘Cinema da leggere’ l é »Non dirmi che hai paura«. Info su www.cinemapredazzo.it.
Atualmenter
Al chino de Tieser
Insnet, vender ai 21 de mèrz da les 21:15, sabeda ai 22 da les 17:00 e 21:15 e domenia ai 23 da les 17:00 l é »Bianca­neve«, domenia ai 23 da les 20:30 l é »Mickey 17«, jebia ai 27 da les 21:15 per la rassegna ‘Il piacere del cinema’ l é »Il seme del fico sacro«, ven­der ai 28 da les 21:15 l é »Anora«. Info www.cinema tesero.com.
Atualmënter
Literakino
Ntan l mëns de merz, for de vënderdi dala 20:00, vëniel mustrà de biei films tla bilblio­teca de San Durich a Urtijëi. L proscimo apunta­mënt ie ncieu, 21 de merz y l ultimo ai 28 de merz. L prugram plu avisa ie da abiné te biblioteca.

Cursc
Atualmënter
Iscrizions curs de tudësch
L Cumité per Ntegrazion Gherdëina deberieda cun i chemuns mët a jì n curs de tudësch per chëi che sa bele mpue–dai 2 de auril inant uni lunesc y mierculdi, 9:00–11:00. La prima ancunteda sarà tla biblioteca de San Durich, daldò for tla Cësa du Cungresc a Urtijëi. Iscrizions: nchin ai 28.03. te biblioteca. Cost (per 32 ëura): 70,00 €.
Atualmënter
Fit tl cë cun juesc y devertimënt
L KVW Urtijëi nvieia ëi y ëiles sëura i 60 ani a chësta ancuntedes per mantenì na bona riazion, memoria y cu­nzentrazion, cun la referënta Isolde Senoner. La ancuntedes va inant mo doi iedesc tla Biblioteca de San Durich a Urtijëi, for de juebia dala 09:30 nchin la 10:30.
25.03.
La forza di fios dles plantes
En mertesc ai 25 de merz dales 18:30 él tl pice salf de Co­­mun a La Val n curs sön la gemmoterapia, cun l’esperta de erbes Irene Hechenberger. Le cost é de 30,00€ plü 15,00€ por le material. Informaziun sön les prenotaziuns ciafon tres Whatsapp pro Elisabeth al 335 1050699, anter i 23 de merz.
25.03.
Curs de ladin per chëi che scumëncia
La Union di Ladins de Gher­dëina mët a jì n curs de ladin per prinzipianc cun l referënt David Lardschneider, che scumëncia ai 25 de merz y va inant for de merdi y juebia ai 1., 3, 8, 10 y 15 de auril, dala 18:30–20:00. Per se scrì ite: info@ulg.it 0471 796870.
03.04.
Curs da inrissé üs
En jöbia ai 3 d’aurí dales 19:00 ales 20:30 vëgnel metü a jí, tl Ciastel de Tor a San Martin, n curs da inrissé üs. Referënta é Rosmarie Verginer. Le cost é de 10,00€ a ce, i posć é limi­tá. Les prenotaziuns vëgn tutes sö al 339 3115679.

Sport
Atualmënter
Campiunac de Line Dance
Tla Cësa di Cungresc a Urtijëi vëniel metù a jì l Campiunat de Line Dance che jirà inant per trëi, da ncuei, vënderdi ai 21.03. dala 17:00 inant nchin a n dumënia, 23 de merz. Uni di saràl nce lëu­ratueresc de bal y devertimënt.
25.- 28.03.
Gran Premio Giovanissimi
La garejeda per sculeies y sculees dla scoles talianes dai 7 ai 12 ani, tla desciplines de slalom lerch, pudejé y snow­board vën n chëst ann inò a se l dé te Gherdëina. L pru­gram plu avisa ie da abiné sun valgardena.it.
29.03.
Gardenissima
Gardenissima, 27ejim edizion. La garejeda sarà n sada ai 29.03. dala 07:30 inant, da Secëda ju nchin japé dla furna­doia de Col Raiser, ulache l sarà nce la premiazion do­mesdì.
30.03.
Socialone del Ski Team Fascia
L Ski Team Fascia endreza en domenia ai 30 de mèrz sul portoi Pra di Tori forin Mont da Vich l Socialone finèl, con scomenz de la garejèdes da les 9:30, do marena e premia­zions. Iscrizions dant da en mercol ai 26 de mèrz. Info: 0462-764111 o info@skiteam fassa.it
30.03.
Gardenissima Kids
Nce i:la mëndri:es possa desmustré cie che i:les sà da fé: pra la Gardenissima Kids, ai 30 de merz. La garejeda de doi chilometri sun Secëda pëia via dala 08:30.

Religion
22.03.
Schiera Junila
Tl self dla Schiera Junila tla Calonia de Sëlva vëniel mustrà n bel film, per mutons:ans dla terza tlas dla scola elemen­tera insù y jëuni:es dla mesana. N se anconta duman, sada ai 22 de merz dala 16:00.
22.03.
Perdica per i maridei
L Muvimënt catolich dl’ëiles nvieia a la perdica per i mari­dei, n duman, sada ai 22 de merz dala 20:00 tla Dlieja de S. Cristina. L cianterà l Cor di ëi.
30.03.
200 egn de la Capela de Ciampestrin
En domenia ai 30 de mèrz vegn fat festa per i 200 egn de la Capela de Ciampestrin. Da les 9:00 se se troa ló da la Capela per la bendiscion, procescion con la Musega Auta Fascia fin al PalaDolo­mites, da les 9:30 prejentazion del liber »Madonna di Lourdes di Campestrin« e da les 10:00 messa ciantèda. Chi che tol pèrt ciapa l liber con la storia dal 1825 al 2025.
07. – 12.05.
Pelegrinaje a Medjugorje
Dai 7 ai 12 de ma 2025 vëgnel metü a jí n pelegrinaje a Me­djugorje. Por prenotaziuns y ince informaziuns plü menü­des, pón cher­dé sö Daniele Agostini al 335 5268546 o Patrizia al 347 7537887.