Sta stemana s'aon fat na ciacolada con Paola Agostini »D'Agustin« da Col, cressuda nte na gran famea

Data

25 de setember 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Dancà y da na pert
Bondì Paola, posto te prejentà n curt?
Paola Ai inom Paola Agostini, son da Col e son nasciuda del 1956 nte na famea de bacagn. Sievane de tredesc fradiei e mi son chela da mez, n ai siei dedavant e siei dedarè.

Come elo stat cresce con tanc de fradiei e sor? Na ota l eva cujì nte tante de famee, ades bele una ulà che l é trei fioi no la é saurida da ciatà...

Voleva di avè na gran compagnia n cesa, e n pi a chi de famea ruava incia chi da dintorvia, ajache ulà che l é jent rua de autra jent. Noi no sion jui a la scolina, che gnanca no la eva, ma l avane n cesa parceche sievane semper de tanc a zogà e a se matèe: jivane fora per i prai, a fà calche laoret co sievane picui e valch de pi canche sievane pi granc. Co n frego a la ota sion pei via a scola, mi sonve tan minuda che i miei i à considerà che propio no sarave stada granché da laurà: i m'à domandà se voleve laurà e mi no ave tan chela, i m'à doman­dà se voleve studié e mi no ave tan chela, e n conclujion i m'à scrit ite a le scole magistrali a Belum.

L tuo regort pi bel de co sievà tosac?

Jì a se fà ciavai l eva valch de bel, sievane de na trodena de tosac e fevane strozin da Varaza ju, e ju per Col, o a pèe via da chela riva ilò dal Albergo Posta e ruevane fin ntal pont, de chi agn co ncora le strade no i eva piene de machine: pi che dut l eva bel se matèe defora, via n Treve nta la Vila zoghevane a ce che mai. De d'istà se jiva a fà fen sa mont, e incia chela l eva n esperienza interessante, soraldut dormì ntel fen. No avane cemp da balon o mateamenc de plastica, ma s'aon tan godù istesso: e n pi no avevane i telefonign come i tosac deldi­dancuoi.

Deplù te la edizion dl 25 de setember  (Martino Pezzei)