L conseier provinzièl ladin Luca Guglielmi à domanà ajornamenc sui lurieres. L president Fugatti à arsegurà che l intervent de asfalt vegnarà fat dant del scomenz de la sajon. Na proponeta de mozion per meter a post l vièl che rua sun Fedaa.
Rua l’aisciuda e se peissa jà a tirèr ca la roda. En cont de chest vegn sobito tel cef la situazion del troi de la rodes anter Ciampedel e Cianacei che cogn amò vegnir metù a post. I aessa cognù l asfaltèr jà l’aisciuda passèda, lurieres che dapò é stac sperlongé a d’uton e no più fac ajache l era vegnù fora la priorità sun etres cantieres. De chest se à cruzià ence l conseier provinzièl ladin Luca Guglielmi de la Sociazion Fassa che, te la sentèda del Consei provinzièl de en mèrtesc ai 24 de mèrz, endèna la sescions de la interogazions con responeta sobito, l ge à domanà a la Jonta ajornamenc sui lurieres per asfaltèr belapontin chest toch de percors.
L conseier provinzièl Guglielmi à fat aproè ence na proponeta de mozion per ge domanèr a la Jonta provinzièla de verifichèr se se pel meter ite anter i intervenc de recalificazion ambientèla de la Marmolèda ence l vièl di rusci, desche testimonianza lascèda da la pruma gran vera e element de valuta del museo a l’averta de la Marmolèda e de la perferida turistica del teritorie.
Podede lejer dut su La Usc dai 3 de oril da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)
(MCI)
