Chesta setemana on ciacolà con ra śoena anpezana Lara Lacedelli

Data

19 de fauré 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Dancà y da na pert
Bondì Lara, posto te prejentà n curto?
Lara Lacedelli Ei gnon Lara, ei vinteun ane, vivo in Anpezo co ra me familia e studio par deentà maestra de scora.

Me contesto nafrè de ce che te sos drio a studià per deentà maestra?

Ió studio Scienze de ra Formazion a Padova, son al terzo an e oramai l é el secondo an che fejo un tirocinio a scora: l an pasà see a Padova, sto an par el Covid son restada a studià a ciaśa e ades el fejo a ra scora elementare »Duca d'Aosta« in Anpezo. Ignante inveze ei fato el liceo clasico a San Vido.

Come mai sosto śuda a studià propio chesto?

Ei betù tanto a me dezide par­ceche me sarae piajù tanto fei Psicolojia, ma no me sentie in grado de fei ra psicologa parceche son 'na persona tanto »empatica« e emotiva e inveze là l é da restà destacade da ra śente: alora ei vardà intorno a duta ra facoltas e ei deziso de proà Scienze de ra Formazion par deentà maestra, e sedenò ra seconda scelta l ea senpre de fei Scienze de r'Educa­zion che inveze de te fei deentà maestra te fesc deentà educator par i pize sote i tre ane, o sedenò te pos śì a lourà inze ra prijos o inze ra ciaśes de riposo.

Deplù te la edizion stampeda dl 19 de fauré  (Martino Pezzei)