La noscia de Fascia la regolamentea la pesćia inlèngia Veisc fin a mez del lach de Pecé, olache l'é l confin con Moena inlèngia ju l Rif gran. Più inant l'é la sociazion de Moena. La tol ite l lech de Fedaa, chi de le Poze e dei Zinghegn e i afluenc de la Veisc. Tel diretif l'é raprejentanc di paijes in relazion al numer de sozi, l president l'é Pino Furci. Te Fascia aon beleche 140 sozi.
Che velel dir jir a pesc?
L'é na pascion, no l'é n mestier che te vès ogne dì. Canche se é aló l'é dò e dò da fèr, e se injignèr l'esca, e se se romp la 'bava' o te te impegnes a te mever.
Che
View the embedded image gallery online at:
https://www.lausc.it/spezial/16941-maurizio-fosco-da-cianacei-vizepresident-de-la-sociazion-pesciadores-de-fascia#sigProIdec8b181d6a
https://www.lausc.it/spezial/16941-maurizio-fosco-da-cianacei-vizepresident-de-la-sociazion-pesciadores-de-fascia#sigProIdec8b181d6a
Aer la lizenza dantdaldut: se la ciapa con n ejam teorich a Trent, olache se fèsc ence a n cors de pratega. Apede chesta se cogn esser scric ite a la sociazion pesćiadores del post e paèr la steora per l'an, che ades l'é 90 euro. Ge vel aer dò l libret olache se cogn semper segnèr sù duta la sortides, l post e l dì, e sincajo ence chel che se ciapa! L president de la sociazion e la guardia forestala i pel domanèr l libret, olache l'é ence l regolament. Ge vel dapò abadèr che no se sbreghe l fil, aer pazienza, tirèr e molèr che l pesc l se stence. Coi pesc gregn ge vel adertura mesora, se no pa de più. (NR)
De plu tla edizion stampeda de La Usc di Ladins o sun l e-paper a paiament www.lausc.it/e-paper