La Usc di Ladins

Bondì Flavio, ce posto ne contà de ti?
Flavio Ai inom Flavio Menardi Diornista e son anpezan. Ai finì da puoch de laurà a le Regoles de Anpezo, mesa giornada al di, ulà che l mio laor l eva de mete ite dac e cartine, trioi del CAI e cujì via sul computer, po darè misdì faje alenamenc duc i di. Per intant no ai gare parceche l é un frego dut fermo, vedaron st'invar se se zafia a fà valch. Per intant me alene n palestra, st'invar sarave da muove e jì a fà dei alenamenc dintor col bob per se paricé a le gare.

Alora l rest de l an co no te laore ilò te dedicheto domà al sport?
Dijon che de d'invar son pi atif e faje de pi, de d'istà ai pi temp e alora vade incia a laurà. Sto an ai finì la scola e no pense de jì inavant coi studi: magari zerciarai n laoro ades che co le Regoles ai finì, se l ciate magari na meja giornada da marz a otobre che me lasse l temp de me alenà.

Ulà aveo da jì per ve alenà col bob?
Sto an jon n Austria, ulà che i à davart na pista curta, no da gare, e senò jon n Germania. Per le gare inveze l é da jì n pi a l'Austria incia n America, Norvegia, Francia e Svizera. (Intervista de Martino Pezzei)

De plu tla edizion stampeda de La Usc di Ladins o sun l e-paper a paiament www.lausc.it/e-paper