La Usc di Ladins

L é n projet didatich internazionèl de educazion a la zitadinanza globala e a la solidarietà, avert a la scoles primères e secondères de prum e secont degré. L à inom »La corsa contro la fame« e l é endrezà da »Azione Contro la fame«, na organisazion umanitèra che laora da 40 egn te la cooperazion internazionèla e che el 2020 l à didà passa 25 milions de persones.
Chest projet, che à l patrozinie del CONI e de OPPI, la Organisazion per la Preparazion Profescionèla di Ensegnanc l é ruà chest an a sia 8^ edizion e l à cernù desche Paisc focus l Madagascar.

Ence la Scola ladina de Fascia tol pèrt, la ensegnanta de referiment l é Maria Sottsass, responsabola de l’inclujion; a la scomenzadiva l é stat scrit ite i scolees de la Scola mesènes de Sèn Jan e l moment finèl é stat metù en program per en lunesc ai 23 de mé (ai 30 de mé se chel dì aessa da esser catif temp).
Chel dì i studenc i fajarà sia corsa contra la fam entornvia l frabicat de sia scola: te la pruma doi ores de scola (7:55-9:35) sarà chi de seconda, dapò fin les 11:30 sarà la clasc prumes e en ultima fin la una e 10 i studenc de terza.
La corsa é compagnèda da n »passaport solidal« che tol ite parenc e peconc. 

De più su La Usc stampèda de vender ai 20 de mé.  (LG)