La Usc di Ladins

Chësta setemana se l’on ciacolada co la Simona Crepaz, na jovena fodoma che chilò à sue pascion e sua fameia

Simona, co te prejen- teto a chi che no te cugnësc?
Son la Simona Crepaz, o la “Simo” per chi che me cugnësc. Son nasciuda e chersciuda nta Fodom e è complì 28 agn. Davò le medie son juda a Belum a studié, steve n colegio e jive al Catullo con ndirizo aziendal: co è fenì le scole è ciapé delongo da laoré a Reba, nte n ufize a la Sofma che ades l é deventada Funivie Arabba. Stè a Brenta con mio moros Alois e nost fiol che à puoch plu de n ann.

No t’as volù ji nnavant a studié?
No no, sonva stufa de studié, sciché se tournásse ndrio no jisse nnavánt a studié ma scomenciásse tost a laoré, coche è fat.

Nlouta t’es contenta del post de laour che t’as ciapé? De preziso chele elo tue manscion?
Sci sci, son contenta. Dijon che è fat ncin de dut percieché davánt via i m’à metù nte bilieteria: chëst vol dì che steve a contat co la jent, stampáve bilieti, deve ndicazion ai turisć ecc. Po son passada nte ufize, nlouta ilò fajëve paghe, assunzion… dute chële cherte e robe aministrative.

Deplù te la edizion stampeda, dl 21 de auril.