La Usc di Ladins

Pissà de esser bogn de vijitèr epoches passèdes, vardèr i evenc storics con vesc eies, viver endodanef vesc recorc, antizipèr l davegnir,... no fossel na roba da no creer? Emben, no l é pa coscita sorì…

Da semper l conzet de viac tel temp à encantà l om e à engaissà l’imaginazion de la jent de vigni epoca. Chest argoment l é stat tratà e esplorà trop te n muion de raions culturèi, artistics e ben segur scientifics.

Te la letradura, tel mond del chino e de la televijion, ti fumec, te la graphic novels e ence ti jeghes online se pel troèr tropes ejempies de reflescion o de interpretazion del conzet de viac tel temp, per ejempie libres, soraldut fantascientifics, desche La macchina del tempo de H.G. Wells e Viaggio nel tempo de Audrey Niffenegger, o filmes e series televijives desche Ritorno al futuro e Doctor Who, i comics de X-Men de la Marvel e n muie de etres… No demò, vèlch artist proa a ‘moscèr’ chest argoment ence te sie depenc e te sia cianzons.

De più su La Usc stampèda de en vender ai 24 de mé.  (Sara Defrancesco e Aurora Smajlaj)