Sgolon aut tel ciel con Jan Bernard

Data

07 de messel 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L joen del 1993 da Ciampedel ma enciasà a Vich ne conta de sie leam col parapent
Perché pa èste dezedù de scomenzèr con la pratega de chest sport?
Jà canche ere bez vardae en su tel ciel e canche vedee duc chisc parapents me pissae semper che fossa stat bel sgolar. L’ocajion dapò la é ruada del 2015: rampegae enlouta e me é destirà n deit. Aee n amich che l fajea jà l cors e, canche i à endrezà cheste giornade debant per sgolar, son jit. Timpruma se sgola demò a dotrei metres da tera, ma chest sport l me à ciapà sobito.

Co él stat tia percors?
Del 2015, é scomenzà con i prumes picoi sgoi e l’invern dò son stat cet. L’an dò, del 2016, é scomenzà da nef col cors e, amò dant de l fenir, jie semper sun Rodela a far valch ejercitazion. Chel an aló lurae te utia sun Boè: o dadoman bonora o dò vea, se l’era de bone condizion, ruae a jir ence ogne dì. Del 2016, é ciapà l »brevetto«. Son jit inant coscita: ogne mie moment ledie l’é semper dedicà a chest mie enteress. É fat ence n cors spezifich sul lach de Garda, con inom »simulazions inconvenienc de sgol«, olache é emparà co se comportar se sozede zeche de no pervedù. Del 2018, me é enscinuà al campionat trivenet, che l se dejouc soraldut tel Venet, aboncont aon fat ence zeche chiò tel Trentin e tel Friul. A la fin te la classifica generala son ruà al second post. Da enlouta sgole chiò te la Dolomites e chel che proe semper a far gio l’é sgol su la distanza. Per te far capir, un di sgoi più bie che é fat, chest l’an passà, l’é stat a partir da Rodela, son jit ja Poza e dapò fin vin Ampez aló da le Trei Cime de Lavaredo e dapò amò ca de retorn.

Podede troèr l'intervista entrìa su La Usc 26 di 3 de messèl  (Nicoletta Riz)