La Usc di Ladins

En domenia ai 9 de aost l’é jit en scena a Perjen la 14^ edizion del Memorial Bruno Alverà, garejèda de roda da mont stel XC endrezèda da la Polisportiva Oltrefersina che vigni an se cor te la Valsugana. L’event che à ciapà alberch al Parco Tre Castagni l se à dejout te doi dis, pontan via jà en sabeda ai 8 de aost con la Copa Tèlia di joegn, garejèda resservèda a Esordienc, Arlieves e Junior. En domenia enveze l’é stat la Top Class, averta ence ai agonisć Elite.
L percors, lonch 3,7 chilometres con 160 metres de dislivel positif pervedea ostacoi naturèi, strèdes da bosch e single track su la ertes aló dal Ciastel de Perjen, con n passaje tel bike park Castel Perzen. A seconda de la categorìes, mudèa l numer de rondes da fèr.

De più su La Usc 32 de vender ai 14 de aost  (Daniele Verra)