La Usc di Ladins

La é da meter te cornisc per la joena de 18 egn de Fiem e studenta del Ski & Ice College de Fascia Annika Sieff l’ultima tapa de l’Alpen Cup che se à dejout tel fin de setemèna di 13 e 14 de mèrz a Premanon te la Franzia.
La sabeda te la Opa Cup de saut l’é stat la miora de la squadra talièna ruan al 7° post e dapò la Gundersen ge à portà sia pruma venta del zircuit: pruma te 8’25”1, dedant a la todescia Magdalena Burger e a l’austriaca Laura Pletz.
La domenia te la Gundersen finèla la joena atleta de le Fiamme Oro de Moena à fat l bis te l’ultima garejèda de la tapa franzousa de la combinazion nordica fenian fora col temp de 16’07”4, dedant a la slovena Ema Volavsek, destachèda de 18”1, e l’austriaca Laura Bletz, terza a 50”9.
Con chisc bie resultac Annika Sieff se à vadagnà l quarto post en classifica generèla.

De più su La Usc stampèda de vender ai 19 de mèrz 2021.  (LG)