La Usc di Ladins

Dai 23 ai 25 de oril a Torin su la giacia del Pala Tazzoli l’é stat la finèla de Copa Tèlia de bal sui feres de fascia Gold. Na competizion emportanta che à vedù i miores 24 atlec per categoria se dèr jù e scombater per se vadagnèr l titol talian.

Ence la sozietà fascèna Val di Fassa Artistico Ghiaccio à tout pèrt a la garejèda metan dant i balarins Arianna Verra, Miriam Planchensteiner e i frèdes Martina e Matteo Marchioni.

I Pavei d’Arjent à otegnù chisc resultac: Arianna te la categoria Prenovice é ruèda 16^, te la Advanced novice Boys Matteo se à vadagnà la 5^ posizion e te la medema categoria de eles Miriam se à logà te la 22^, ence Martina é ruèda 5^ te la categoria Junior.

Dai 30 de oril ai 2 de mé a Trent sarà la finèla de fascia Silver del Trofeo de la Regions per la categories de l’Artistich e del Sincronisà, a chela che pel tor pèrt i prumes 24 atlec e 6 resserves coi miores resultac vadagné te la proes de Campionat nazionèl.

Te chesta garejèda sarà l joen Giovanni Pezzei à raprejentèr la sozietà fascèna.  (CRI.M)