La Usc di Ladins

Amò doi partides per serèr su la seconda fasa. Do la Regular Season, l campionat de Alps Hockey League à vivù te la ultima setemènes la calificazions ai playoff e pre-playoff, zicle de partides che se serarà su en sabeda ai 5 de mèrz con l’ultima giornèda che darà i verdec definitives.
Endana speton la partides de hockey en program en jebia ai 3, ma vèlch de definitif se pel jà dir ence zenza tegnir cont di neves resultac.
La Migross Asiago di frèdes Stefano e Michele Marchetti à vent l Master Round, enceben l’ultima desfata ai overtime de contra al Renon del auter fascian Marco Mazolini per 4 a 5. 
Vèlch de segur l é ence ti doi girons A e B, da olache vegnarà fora la autres 6 squadres che jiarà i pre-playoff dessema a la does eliminèdes dal Master Round. Segures de la calificazion la doi prumes di girons, respetivamenter Salzburg tel giron A e Gherdena tel B. 

De più su La Usc stampèda de vender ai 4 de mèrz.  (Daniele Verra)