La squadres de balon de Serie A ruarà ence chest an tel Trentin. En dut les sarà sie cheles che farà sie ritiro te un di paijes de la provinzia. Anter chestes l é ence la Fiorentina che per l diejem an a do a do, fora che del 2020 per la pandemia da Covid, rua tel paisc fascian de Moena.
La squadra de Vincenzo Italiano, forta de la calificazion a la copes europees, se alenarà sul ciamp Benatti dai 10 ai 24 de messèl.
Chest an la sodesfazion é amò maora ajache a Moena ruarà ence la squadra de eles che se arcedarà sul ciamp Benatti la setemèna do da ic, dai 24 de messèl ai 7 de aost. L é stat confermà l Viola Village vejin al ciamp de balon, con n rich program de ativitèdes e evenc via per duta does la setemènes.
La partides da peconc tacarà ite ai 12 de messèl con la partida contra l Real Vicenza.
De più su La Usc stampèda de vender ai 24 de jugn. (MCI)
A Moena diesc egn de Fiorentina
Chest istà rua endò tel paisc fascian la squadra viola de ic e de eles per si alenamenc precampionat.
Galaria retrac
View the embedded image gallery online at:
https://www.lausc.it/sport/19999-a-moena-diesc-egn-de-fiorentina#sigProId4c79c330d0
https://www.lausc.it/sport/19999-a-moena-diesc-egn-de-fiorentina#sigProId4c79c330d0
