La Usc di Ladins

Rua endodanef i 3 ponc per l Fascia Balon de gra a la venta contra l Predaia. 

Trottner e compagnes i taca sobito ben e do n menut i passa inant con l gol de Gabriele Riz de Janoto che desfruta n bel assist de Michele Petrone del Pat. 

Ti menuc finai rua l gol dal 3 a 1 con Patrizio Deville de Bronza che rua dant de duc su la rebatuda de la trata da cet de Massimo Lorenz de Meca e l met l balon te sach. 

Na bela venta per i bec de president Ghetta, che i à festejà al miec la giornada dedicada al Fascia Balon tacada jà la bonora con le partide di bec, seghitada con na bona marena e serada co la partida de la pruma squadra. 

En domenia i joegn fascegn jiarà a Mezzano contra l Primier da mese le 4 per l’ultima partida de chesta sajon.

De più, con classifica e resultac de la squadres mendres, su La Usc stampèda de en vender ai 24 de mé.  (Pierpaolo Rasom)