La Usc di Ladins

En sabeda ai 7 de setëmber s’á desfiré la secunda ediziun dl »Sellaronda Bike Day« 2024, por chël che tröc amaturs dla roda é rová danü adalerch tles valades incër la munt dl Sella ia.

Bona é stada la partezipaziun da pert de ghesć da foradeca, dal’ America y dal’Asia, sciöche ince da jënt da dötes les perts dl Südtirol, che á tut pert al’evënt ince tles prömes temperatöres frësches dla sajun da d’altonn te so scomencé. Impó é les sportives y i sportifs gnüs bajá dal sorëdl en chësc de valgamia ceu, che n’á nia lascé goté. A stlü l’anel asfalté de 58 chilometri cun 1800 m de deslivel, che coliëia le Ju de Frara a chël dl Sella, al Pordú y al Ciaulunch, é stá incër 18.000 ziclisć:tes cun vigni sort de roda.

Deplü ciafëise da lí tla ediziun nöia de vëndres 13 de setëmber!