La Usc di Ladins

L é tacà ite la sajon dai schi e la sociazions sportives de noscia val se à endrezà per sporjer sia ativitèdes. En sabeda ai 23 de november l FassActive à chiamà ite la radunanza ordenèra te sala grana del Comun General de Fascia. L president Riccardo Franceschetti à metù dant l bilanz consuntif 2024 che l é stat aproà da duc i prejenc e dapò l à metù al luster dut chel che la sociazion sportiva à fat via per chest an. Prum de dut l ge à sport l rengraziament al Consei diretif, a duta la squadra de arcedadores e sponsor che fèsc a na vida che posse vegnir fat duta l’atività en particolèr tel endrez di evenc, da chi più picoi a chi più gregn. L à uzà fora la colaborazion con la Sociazion Gregn Evenc de Fascia e soraldut l gran empegn che l é stat metù per la tapa de Copa del Mond de firé sun La VolatA enceben che per la gran neif la garejèdes sie states descancelèdes. L president Franceschetti à anunzià l endrez da pèrt de FassActive di Campionac Taliegn Assoluc de schi che sarà de oril del an che vegn.

De più su La Usc stampèda de en vender ai 6 de dezember.   (Monica Cigolla)