La Usc di Ladins

Dai 8 ai 10 de oril l Grop sportif Fiamme Gialle de Pardac, che chest an festeja 100 egn del Grop schiadores, à endrezà la 72^ edizion del Trofeo Cinch Nazions de schi, la manifestazion sportiva de aut livel resservèda ai atlec che partegn ai Corpes de Polizia Doganèla de Austria, Franzia, Germania, Tèlia e Svizra. En mèrtesc ai 8 de piaz de Pardac l é stat la zerimonia de avertura e ai 9 e 10, col didament de la Scola Alpina de Finanza, del Comun de Pardac, del zenter Fondo de Lavazé e de ITAP Pampeago, l é stat endrezà la garejèdes de paslonch e de schi.

Sun Lavazé la moenata Caterina Ganz se à vadagnà la medaa de arjent te la 5 chilometres e dapò chela de or en squadra con Dorothea Wierer. Sun Pampeago l arjent é jit a n auter ladin, Alex Vinatzer da Gherdena, ruà secondo tel slalom strent, olache l fascian Stefano Gross à serù su sia cariera con n bel 5° piazament e l braciacol di compagnes. Tel slalom lèrch l mior ladin l é stat enveze Tobias Kastlunger ruà al 4° post.

Se pel lejer dut su La Usc nr 15 dai 18 de oril: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (MCI)