La Usc di Ladins

L é la pruma storica medaa de la eles taliènes tel freeski, chela che insnet Flora Tabanelli se à vadagnà tel Big Air a Livigno. 
La joena atleta cresciuda sportivamenter te Fascia, con l Ski Team e con l Ski College de la Scola Ladina, la fèsc l ultim an del liceo artistich e jà te la sajon passèda l'à desmostrà duta sia valuta, ruan a venjer i mondièi de bBg Air, la Copa del Mond te chesta spezialità, chela generèla de Park&Pipe e ence i X Games ti USA. N burt infortunie tel meis de november passà aea metù a risech sia partezipazion ai jeghes olimpics, enveze Flora no demò l'à tout pèrt ma la se à vadagnà ence na storica medaa. 
Terza do la seconda proa, la é stata bona de tegnir poz a la aversaries e col terzo saut la se à amò miorà seran su con 178.25 ponts, tedò da la canadeisa Megan Oldham con 180.75 e la cineisa Ailing Eileen Gu con 179.00.
Bon ejit ence per Maria Gasslitter da Ciastel, che la fèsc pèrt del S.C: Groden e la se à confermà anter la diesc miores del mond!

De più su La Usc stampèda de vender ai 20 de firé  (Lucia Gross)