La Usc di Ladins

Par duta chesta setemana in Anpezo s’à scotà musica, dute i dis, par ra festa pi granda de ‘l an, da ‘na do­megna a cher’outra, con un grun de amighe, che rua da agnochemai. Ra Festa de ra Bandes no n’é noma musica, ma ‘l é algo che lea, che tien aduna ra comunità. Ogni an, co vien de agosto, se sente par aria chesta festa: se se ciata dute aduna, un pede ‘l outro, par gode de r’armo­nia che ra musica porta inze ra nostra vita. Sto an ‘l é algo depì: po­don gode el padeon Osvaldo Majoni, comedà da poco, fato fora duto noo. Co ra Festa de ra Bandes podon pensà sora a ‘l valor de ese comunità, inze un mondo che el me preme de spes a fei da sole, dute da so posta. (MDM)

De plu tla edizion stampeda de La Usc di Ladins o sun l e-paper a paiament www.lausc.it/e-paper