La Usc di Ladins

En lunesc domesdì te l’ospedal de Rorei l’é mort la dotora Gaetana (Tanya) Trimarchi.
La dotora Trimarchi l’aea 57 egn, la era da Santa Teresa di Riva, te la provinzia de Messina e da 20 egn la era tel Trentin.

La se à ciapà sù l Covid-19 te Fascia, olache la lurèa da egn fajan sostituzions e servije de vardia medica e de assistenza sanitèra a la garejèdes.

Dò se aer malà la é stata portèda fora Ciavaleis e dapò a Arco e da la setemèna passèda la era en condizions grieves tel partiment de terapia intensiva de l’ospedèl de Rorei, olache en lunesc ai 30 domesdì la é morta.

La burta neva à soscedà gran cruzie e despiajer, soraldut per l’età amò joena de la dotora e per sia mort en servije. L nemich che la scombatea te sia profescion l’à abù la soramessa ence su ela.

Che la pausse te la pèsc del Segnoredio.

 (lg)