N menut de acort per la vitimes

Data

31 de merz 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks

En mèrtesc ai 31 de mèrz da les 12.00 ence la procuradora del Comun general e duc i ombolc de Fascia à tout sù l’envit per n moment de recordanza e de vejinanza a la families tocèdes da chesta epiedemìa.



 - Ence duc i ombolc de Fascia e la procuradora del Comun general à tout sù l’envit de l’ANCI e en mèrtesc ai 31 de mèrz à volù respetèr un menut de acort nazionèl per se strenjer col pensier dintorn a la families che é states ferides te chesta dramatica emergenza sanitèra.

Da les 12.00 duc ensema, te duc i Comuns, te duta la Provinzies e te duta la Regions de la Tèlia i raprejentanc istituzionèi à recordà duta la persones che ne à lascià per l Covid-19.

Te Fascia la procuradora Elena Testor tedant al Comun general e te duc i etres Comuns tedant a la bandieres a mesa èsta de la Cèsa de Comun, ensema a n Polin de Fascia, per n moment de acort e de recordanza e per rengrazièr, a inom de duta la comunanza fascèna, duc chi che se dèsc jù ogne dì en pruma linea contra chesta pandemìa.

La procuradora Testor à palesà na tristeza amò più grana tel recordèr Gaetana Trimarchi, la dotora  che fajea servije de vardia medica e sostituzion te Fascia, che é morta en lunesc ai 30 de mèrz per Covid-19 e te chesta ocajion l’à volù ge sporjer n gran develpai a duc chi che, a vigni livel, é dò a scombater contra chesta burta situazion.  (MCI)