La Usc di Ladins

“Tu as portà la man a la ureia, dime, che scouteto, mia picola sor?
Scoute la musega de n’aiegra cianzon, scoute i agnoi che cianta la ressurezion.”

L’é la paroles de la ciantia da Pasca “Toe man”, che P. Frumenzio Ghetta à traslatà per fascian e che é stata publicada te sie liber de rime “Mizacole de steile”.

E proprio te n vender sènt amò più mestie che zenza la sor de P. Frumenzio, Carmen Ghetta de Martin, de 95 egn, l’à lascià chesta tera e la é se n jita sun Paradis, per jir a scutar i agnoi te la Pasca de ressurezion.

La é jita a troar so om Piero e si frades Massimino, Franzi, Marta e apontin P. Frumenzio, che ai 22 de oril l’é jà da 6 egn sun Paradis.

A la recordar l’é l fra Bruno, i fies Beatrice, Flavio, Donatella e Adriano con soe familie e na fila de nevoes e pronevoes che i ge volea n gran ben.

Carmen la era adertura trisava, e proprio dal picol pronez Noah ne é ruà n recort pien de encresciujum. “Te nesc eies la lègremes, te nesc cheres l dolor. Nosc picol Noah ne domana olache l’é la “nona Carmen” – disc i genitores Chiara e Samuele. Ge aon dit che ties jita a troèr l nono Piero e che dal ciel ne vardarede via.  Ge contaron vigni dì de cotant ben che te ge ès volù e del gran don che l’à abù a esser tegnù sun brac da la “nona tris”. L recort de ti eies grignolenc restarà vif te nesc cheres.”


Tel bel retrat Carmen Ghetta de Martin, trisava, con la fia Beatrice, la neza Michela, la proneza Chiara e l picol Noah.