Nef president e beleche 8 milions de utol per S.i.t.C.

Data

02 de agost 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ai 23 de messèl aló dal chino de Cianacei, se à dejout tel respet de la normatives la radunanza anuèla di sozi. A vidèr la sozietà l’é ades Daniele Dezulian
Enstadì i sozi de la Sozietà Increment Turistich Cianacei S.i.t.C. i à aproà l bilanz serà sù ai 31 de dezember 2019 che à vedù n utol de 7.904.585 euro. L vadagn maor vegn da vendites e prestazions con 30.401.800 euro. La speisa maora la é per l personal con 8.143.768 euro.
De gra a l’incorporazion de la funifor Doleda, che dant la era en partezipazion con la Provinzia, l patrimonie de la firma l’é cresciù passan dai 86.068.955 euro de l’an dant a 97.327.249 euro.

Amò apede, l’é stat fat la litazions de la encèries. Duc i conseieres de aministrazion che fenìa sie mandat i é stac confermé da nef per i 3 egn che vegn: Paolo Fosco, Daniele Dezulian, Tullio Pitscheider, Fernando Perathoner, Christian Karl Rabensteiner, Daniela Perathoner e Francesco Verra. A cef de la sozietà desche president, l’é ades Daniele Dezulian, con vize Tullio Pitscheider.

De più su La Usc 30 de vender ai 31 de messèl  (Nicoletta Riz)