View the embedded image gallery online at:
https://www.lausc.it/valedes-ladines/fascia/14599-cernu-l-nef-diretor-de-l-apt-de-fascia#sigProId5f1c7da31a
https://www.lausc.it/valedes-ladines/fascia/14599-cernu-l-nef-diretor-de-l-apt-de-fascia#sigProId5f1c7da31a
Paolo Grigolli l’é cognosciù te Fascia ajache desche diretor de Tsm (Trentino School of Management) del 2017 l’à tacà ite na percacenta colaborazion con l’Apt de Fascia.
Grigolli l’à na laurea en economìa e comerz a l’Università La Sapienza de Roma, n Master en marketing di servijes, l’à concostà ti egn desvaliva esperienzes de lurier te la Tèlia e foravìa, diretor de l’Azienda spezièla de la Cambra de Comerz e dapò diretor de la Scola de Management del Turism de Tsm. »L’é na endesfida profescionèla e umana – à dit Paolo Grigolli – che tole sù con gran gaissa per desvaliva rejons. Prum de dut percheche con Tsm é jà lurà con l’Apt de Fascia e aon envià na percacenta colaborazion ence con desvalives operatores de la val che me spenc a jir inant col percors tacà ite ensema. Fascia l’é la destinazion de la Dolomites per ezelenza donca chest dèsc amò più gaissa per pissèr a n sie svilup tel davegnir, ence vardan ai mudamenc che à portà la pandemìa. Amò apede me piajessa smaorèr e valorisèr la ressorses de na squadra te l’Azienda con l’obietif de la troèr amò più competenta e capaze a la fin de mie mandat.«
(Monica Cigolla)