L’é Silvia Zorzi da Pancià la neva Soreghina 2022. La joena de vint egn é stata litèda en sabeda ai 21 de aost a Moena endèna l’event metù a jir sun paladina de Piaz de Sotegrava.
Estra la venjidora, a se endesfidèr per l titol de ambasciadora de Marcialonga, l marchie sportif cognosciù te dut l mond, l’é stat ence Pamela Croce, Mafalda Rigatti di Grazia e Matilde Vanzo, dutes de la val de Fiem chest’outa.
A la zerimonia de ‘encoronazion’ à tout pèrt ence Michela Croce, la Soreghina da dant che la é restèda en cèria per doi egn enveze che un per via de la situazion sanitèra.
L’ombolt da Moena Alberto Kostner à portà l salut de la comunanza ensema col president de Marcialonga Angelo Corradini, n muie empegnà con la 19^ edizion de la Running Coop che pontarà demez apontin da Piaz de Sotegrava ai 5 de setember e con la 49^ edizion de la garejèda coi schi da paslonch en program a la fin de jené.
De più su La Usc stampèda de vender ai 27 de aost.
(Cri.m)
