La Usc di Ladins

Per i doi egn che vegn l paisc de Moena vegnarà metù sotessora dai lurieres per meter en segureza l rif de Costalongia. N intervent che l é de besegn de fèr dant che l é meso do chel che l é sozedù de messèl del 2018 con la gran egajon e dapò con l tormen Vaia. 

Per ge prejentèr ai sentadins de Moena i lurieres pervedui, l’aministrazion de Comun à endrezà na scontrèda publica en mèrtesc ai 7 de setember te sala Simonin Maza de la scoles, manèda fora ence en direta streaming. Chiò l’ombolt Alberto Kostner e l assessor a la gran operes e programazion Giancarlo Ramus, ensema ai enjegneres Amplatz, D’Incal, Dondio e Darra responsabol de zona di Bacini Montani, à spiegà bel delvers duc i intervenc che sarà de besegn per meter en segureza l paisc.

Nos aon sentù l assessor Ramus che ne à confermà che i lurieres jirà inant segur per amancol doi egn e che, ajache vegnarà mudà ence duta la viabilità, ge vegn domanà a la comunanza de aer pazienza.

De più su La Usc stampèda de vender ai 17 de setember.  (Monica Cigolla)