La Usc di Ladins

Se aane lascià ai prumes de mé con la neva che l formai Puzzone de Moena del Cajelo de El Mas de Michelangelo Croce l era stat cernù anter i 10 finalisć del concors 2020/21 de »Italian Cheese Awards«. En sabeda ai 13 de november l é stat la premiazion de chesta edizion al Teater Sozial de Cittadella (Padova) e chiò l é stat cernù i formaes venjidores, un per ogne categorìa del concors, e amò apede l é stat dat fora ence 7 pesć spezièi. L Italian Cheese Awards l é l concors che premia la mior produzions de formaes de la Tèlia, formaes fac te cèsa, demò con lat e purons.

Per la comiscion, olache l era ite esperc da duta Europa, no l é stat sorì cerner fora i miores anter i 1.500 formaes scric ite al concors. 

L Spretz Saorì de El Mas de Moena dant l à passà la semifinèles e dapò la finèles e l é ruà anter i miores trei de la categoria de formaes a pasta teca.

De più su La Usc stampèda de vender ai 26 de november.