Temp de bilanz ence per la Sociazion Fitacartieres de Fascia che en lunesc ai 22 de november à chiamà ite la radunanza di sozi te La Gran Ciasa a Soraga.
Conscidrà che l era doi egn che la sociazion no aea più podù se troèr e ence per l’emportanza di argomenc traté, à tout pèrt 53 sozi sun n total de 190.
Dantfora l é stat l salut del diretor de l’Apt de Fascia Paolo Grigolli che à metù dant i obietives che se tolarà dant la azienda te chisc meisc che vegn. Dapò la presidenta Cristina Donei à fat n bilanz di egn passé, da canche la Sociazion di Fitacartieres é stata metuda, a la fin de november del 2016 con la sotscrizion de 101 sozi. Da enlouta l é stat arjont resultac emportanc e l é stat creà na raprejentatività a livel istituzional e de val per l setor di ficartieres. »Se aon dat ju per aer l’esenzion de l’IMIS da jené a jugn del 2021 per i cartieres CIPAT, aon fat formazion su la mesures de contrast e per l contegniment del Covid, aon endrezà na scontrèda informativa sui mudamenc climatics e aon tot posizion ence su la proponeta de emendament per l’abolizion o la sospenjion de la lege Gilmozzi su le seconde ciase.«
L’intenzion de la Sociazion l é seghitèr sul troi de la formazion e de l’acolienza, soraldut su la gestion di cosć de n cartier, sul projet ‘eco-friendly apartment’ con la stampa de material informatif e su la unificazion de la regoeta di dac di ghesć sui portai web ‘alloggiati’ e Istat, per la fèr n’outa demò e no spartida sun più piataformes. (Monica Cigolla)
Fitacartieres, bilanz e obietives per na prejenza forta
La Sociazion, che bina ensema beleche 200 sozi, à chiamà ite la radunanza per prejentèr la socmenzadives e litèr l nef diretif.
Galaria retrac
View the embedded image gallery online at:
https://www.lausc.it/valedes-ladines/fascia/17892-fitacartieres-bilanz-e-obietives-per-na-prejenza-forta#sigProIdece3cfe1e7
https://www.lausc.it/valedes-ladines/fascia/17892-fitacartieres-bilanz-e-obietives-per-na-prejenza-forta#sigProIdece3cfe1e7