En lunesc ai 12 de setember taca ence te Fascia l nef an de scola. Aon domanà fora l sorastant Federico Corradini per cognoscer dantfora vèlch en cont de la neves e la confermes che la Scola de Fascia se met dant.
L é ora de scomenzèr: coluna él la maor neva che se troa dedant la popolazion scolastica de noscia val?
Sorastant Federico Corradini Fosc la roba più emportanta l é che se taca con na scola manco piena de regole, mingol più ledia, zenza cogner star dalonc e tegnir l couribocia, donca somea che posse esser na scola più sorida per i bec, per le familie e per i dozenc. A chesta vida speron ence de poder se meter tedò la schena le contraposizion de chel temp caraterisà dal green pass, con duc i problemes anter le desposizion che ne vegnia date dal goern e che noi cognaane meter en doura e chel che pissaa na part de la popolazion e donca ence na part de genitores di scolees e de ensegnanc. Ponton via con più serenità e manco tema per l davegnir, dapò chel che vegnarà vegnarà, cognaron tor su le norme che podarà ruar aldò de coche jirà la pandemia, ma endana per mie cont la gran novità l é chesta, fosc enveze che cogner far i controlores sanitares podaron far chel che ge pervegn ai educatores.
Podede lejer duta l'intrvista su La Usc stampèda de vender ai 9 de setmber. (Lucia Gross)
Scola: vertesc a tachèr, con manco prescrizions
L sorastant Federico Corradini ne à dit coche pea via la Scola de Fascia per l nef an de lezions.
Galaria retrac
View the embedded image gallery online at:
https://www.lausc.it/valedes-ladines/fascia/20909-scola-vertesc-a-tacher-con-manco-prescrizions#sigProId128d9c7ae3
https://www.lausc.it/valedes-ladines/fascia/20909-scola-vertesc-a-tacher-con-manco-prescrizions#sigProId128d9c7ae3