Elena Wampi, pseudonim de Elena Dudnik, l é na jona ilustradora ucraina, originèra de Lugansk, na zità tel est de l’Ucraina. Per l moment la é te Fascia, pervia de la situazion de vera en cors te sie Paisc. L’à troà alberch lo da la Fuci, a Poza, na strutura metuda a la leta da n privat che à troà l sostegn ence de etres volontères, sociazions e istituzions.
Elena la rejona pech ingleis e neto nia de talian, se fèr ite te na comunanza e ruèr a se la fèr ca da soi no l é sorì. L’à troà aiut da man de Arianna Iori da Dèlba e ades cater sie lurieres fèsc bela parbuda tel local, olache i restarà fora fin a la fin de setember.
Ti lurieres se enten bel chièr che sia ilustrazions les é caraterisèdes da n stil animà, realisèdes con grafica digitèla. I temes che la porta dant tol ca la vera e coche chesta l’à tocà tel intim sia ènema.
De più su La Usc stampèda de vender ai 9 de setember.
(Nicoletta Riz)
L dram de l'Ucraina ti chèdres a Ciampedel
Te la biraria Rampeèr l é stat metù fora i depenc de la ilustradora ucraina Elena Wampi, che à troà azet a Poza.
Galaria retrac
View the embedded image gallery online at:
https://www.lausc.it/valedes-ladines/fascia/20910-l-dram-de-l-ucraina-ti-chedres-a-ciampedel#sigProIdc13cb49935
https://www.lausc.it/valedes-ladines/fascia/20910-l-dram-de-l-ucraina-ti-chedres-a-ciampedel#sigProIdc13cb49935
