Te sala Heilmann del Museo Ladin de Fascia l é en esposizion fin ai 11 de otober na selezion de chèdres del artist Bepin Soraperra. La regoeta de operes, dal titol Enrosadira, l é n tribut a n artist de Fascia che à lascià na pedia fona te l’èrt e la cultura, soraldut desche fondador de la Scola d’Èrt de Poza. Te si chèdres Bepin l é stat bon de tor ju ogne lujor tel moment prezis che la crepes se entenc de resa e pomaranc, colores tipics del fenomen naturèl cognosciù e chierì dutintorn.
En ocajion de la inaugurazion de la mostra, stata ai 29 de messèl, la curadora de l’esposizion Daniela Brovadan aea uzà fora n apel ai sacotenc artisć prejenc: »volassane ve envièr a ne manèr ite voscia operes su l’Enrosadira per jir inant do l troi envià via da Bepin Soraperra.«
Ades chel apel vegn endò uzà fora con maor forza. »Se èrt e Enrosadira se scontrassa« l é l envit ruà chisc dis dal Museo Ladin de Fascia.
Chi che vel fèr manèr ite la foto de sia opera pel l fèr tres i social con #enrosadira e taghèr @majondifascegn opura la manèr a museo@istladin.it.
De più su La Usc stampèda de vender ai 9 de setember.
(MCI)
Se èrt e enrosadira se scontrassa
L Museo Ladin envia i artisć a manèr ite n retrat de na sia opera, scrit o poejia sul fenomen naturèl che entenc noscia crepes.
Galaria retrac
View the embedded image gallery online at:
https://www.lausc.it/valedes-ladines/fascia/20911-se-ert-e-enrosadira-se-scontrassa#sigProId8943d4adbf
https://www.lausc.it/valedes-ladines/fascia/20911-se-ert-e-enrosadira-se-scontrassa#sigProId8943d4adbf
