La Gran Festa da d’Istà, anter folclor e tradizions

Data

16 de setember 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Do doi egn che no la vegnia più fata l é endò stat endrezà a Cianacei la gran manifestazion che sera su la sajon da d’istà.


Gran Festa d’Istà 2022, gran festa de la comunanza. Do doi egn de Covid e restrizions, dai 9 ai 11 de setember a Cianacei l é endò stat endrezà una de la maor festes de la sajon da d’istà.

Trei dis de legreza, musega, tradizions, folclor e n grum de jent che se à binà te tendon de Parèda per se goder dotrei ores de compagnia e de spas. 

I Studafech e la Crousc Biencia de Cianacei se à tout su dut l endrez del tendon. L comitat, con a cef l president Gigio Dantone, se à dat ju e à struscià via per duta aisciuda e istà per ge stèr do a dut chel che besegnèa endrezèr percheche l garatee delvers.

En domenia ai 11 de setember, desche da tradizion, l moment più bel l é stat la gran defilèda de gropes de folclor, museghes e jent col guant fora per la strèdes de paisc. Na carantina de gropes de duta la valèdes ladines se à binà tinultima te Pian de Parèda olache do l salut de l’autoritèdes i à portà dant sia esibizion.

De più, con desvaliva fotografies, su La Usc stampèda ed vender ai 16 de setember.

 (Monica Cigolla)