La Usc di Ladins

En mercol ai 14 de setember l é mort Franco Dezulian del Garber da Cianacei. L aea 89 egn e da n trat no l stajea ben. Franco l’era fotograf e imprenditor, patron del refuge Kristiania sun Belvedere e component de na familia de nonzech che à fat la storia del turism fascian: l era nez de Maria Piaz de Pavarin, la mère del Pordoi e fi de Francesco Dezulian, stat ence poet e scritor.

A obito ai 16 a Cianacei n muie de jent ge à sport l ultim salut e l braciacol a la femena Flora e ai fies Daniele e Ornella. La sènta messa, ofizièda da don Mario, é stata compagnèda da la notes de orghen da Paolo Bernard e ciantèda dal Cor de gejia de Fodom vidà da Denni Dorigo, ajache la femena de Franco, Flora, la é apontin de naa fodoma.

Do messa l fi Daniele à let ju l scrit del dotor Luigi Leo e Alberto Chiocchetti Roch da Moena à portà de bela paroles ladines de salut e stima ence a inom de n grop de fotografes fascegn.

 (LG)